مش عارفه اذاكر بعد العمليه وعايزه اجيب مجموع عالي

Question

انا في ثلاثة ثانوي تجاري و ما فتحتش كتاب حرفيا لاني عملت عملية الزائده في نص رمضان تقريبا و غبت كتير من الدرس و امتحاناتي يوم ٢٩ خمسه و عندي مده اسمها مدت التخصص الماده دبه لازم نذاكرها التلت سنين و نمتحن في التلت سنين السنادي و انا ماذاكرتش ولي سنه انا حلمي اني اخلي اهلي مبسوطين بس مش عرفه مالي من بعد العمليه وانا حسه اني حته مش قدره اذاكر و ديما علي طول انا مش عرفه اعمل ايه انا عرفه انها مش اخر الدنيا الامتحانات ديه بس انا نفسي اجيب مجموع عالي عشان نفسي اشوف اهلي فخورين بيا

Durian_52455 🇪🇬 · Accepted Answer

الأول الف سلامة عليكى ياسُكر 🤍 وأتمنى إن صحتك دلوقتى بقت أحسن من الأول.. ده المهم قبل اى حاجة..

اما بالنسبة للى نفسك فيه علشان خاطر أهلك، ف عايز اقولك إن ربنا شايف نيتك، وطاعة الوالدين دى لوحدها فى حتة عظيمة جدًا عند ربنا ♥️♥️♥️
ف لازم تفتخرى بنفسك إنك بتفكرى بالطريقة دى.

وعلشان بقى النية تطابق الفعل ف ده محتاج جهاد نفس
لإن احيانًا بنحس بملل او إن مفيش شغف للمذاكرة أو مفيش حتى طاقة.

Tofu_52499 🇪🇬 · Answer

اول حاجه حمدالله على سلامتك ♥
تاني حاجه متسبيش نفسك لفكره م قادره اذاكر عشن بجد هتدمرلك كل حاجه انتي معكي قولي شهر قومي وصلي ركعتين وابداي من دلوقتي اعملي كل اللي تقدري عليه عشن ع الأقل تبقي عملتي جزء من اللي عليكي اضغطي نفسك في المذاكره حبه الشهر ده واكيد ربنا هيقف جمبك و هيساعدك .
ربنا معاكي وان شاءالله هتقدري وهتجيبي مجموع يرضيكي و يرضي اهلك♥️

Sugar_47027 🇪🇬 · Answer

شكرا بجد كنا اتمني اعرف مين بس عيزا اقول حاجه انا بصلي و بخاف ربنه و بحاول ما اسبش فرض ماصليهوش

Tofu_52499 🇪🇬 · Answer

حبيبتي انا زي اختك لو ف اي وقت محتاجه تتكلمي أو متضايقه انا موجوده💗 
ربنا يتقبل منك يرب و يحققلك كل اللي نفسك فيه 💗

Sugar_47027 🇪🇬 · Answer

تمام شكرا جدا لحضرتك

Avocado_51186 🇧🇭 · Answer

ماتقلقيش خالص من فكرة المذاكرة لان لسه عندك وقت ان شاء الله تقدري تلحقي وتبدأي من النهارده .. حاولي تحطي هدف قدامك علشان تحققيه وتوصلي للي عاوزاه وتخلي اهلك فخورين بيكي .. وحمد الله علي سلامتك ❤️

Sugar_47027 🇪🇬 · Answer

الله يسلمك و شكرا جدا ليكي كلامك فعلا شجعتي

Hazelnut_52503 🇪🇬 · Answer

انا بردو بس انا مريت ب ظروف أفظع لقيت إني معمولي سحر و ممسوس و ف تالته ثانوي أزهر و امتحاناتي ٢٩/٥ ف أعمل اللي عليك و ربنا عالم بظروفك

Avocado_52312 🇪🇬 · Answer

شعبة ايه

Durian_52455 🇪🇬 · Answer

كل ده محتاج مقاومة منك..
ولو بصفحة واحدة

وفكرى نفسك دايمًا باللى نفسك فيه وإكتبى أحلامك على ورقة علشان تكون قدام عينك طول الوقت
علشان لحظة مايكون عندك كسل او عدم تركيز، ف تعرفى إن عندك هدف أكبر وأمنية أعظم محتاجة إنك توصليلها
علشان تنالى رضا باباكى ومامتك فبالتالى هتكسبى رضا ربنا عليكى..
فاهمانى ياسُكر؟ 
ربنا يوفقك يارب ويسهلك طريقك فى إنك توصلى لكل اللى إنتى عايزاه فحياتك بتيسير ربنا وكرمه الواسع🫶

Durian_52455 🇪🇬 · Answer

وحاجة أخيرة معلش،
خلى عندك عادة بشكل يومى، العادة دى تكون بتقربك لربنا اكتر سواء الصلاة فى وقتها أو ذِكر أو دعاء أو حتى قراءة صفحة من القرآن قبل المذاكرة..
ده هيساعدك نفسيًا وذهنيًا فى إن كل حاجة تبقى سهلة عليكى حتى لو كانت أصعب حاجة فالدنيا
ربنا يسعدك 🤍🤍

Sugar_47027 🇪🇬 · Answer

المشكله اني عندي وحده المفروض صحبتي بس بتحاول علي قد ما تقدر انها تعطلني و خيفه ابقي احسن منها

Sugar_47027 🇪🇬 · Answer

فني سكرتير

Sugar_47027 🇪🇬 · Answer

شكرا جدا انا حسه اني بكلم حد فاهمني بجد انا محظوظه لان حضرتك كتبتلي التعليقات الحلوه ديه و انا اكيد بعد الامتحانات بإذن الله هاجي و هقلكم اني شفت الفخر في عيون اهلي ليا

Sugar_47027 🇪🇬 · Answer

هو لو عيزه ابعت لحد خاص علي الابليكاشن ده اعمل كده ازاي

Durian_52455 🇪🇬 · Answer

مفيش حل للأسف
 الا اذا كان الشخص نفسه نشر بوست قبل كدة والتعليقات على البوست بتكون "فى الخاص" مش عام

Avocado_52312 🇪🇬 · Answer

ربنا يوفقك انا تأمينات

Coffee_52272 🇪🇬 · Answer

دا ولد اساسا حضرتك!!
وبيعمل كدا مع الكل عشان ياخد اعجابات من صاحب البوست والرانك بتاعو يعلي

Durian_52455 🇪🇬 · Answer

بعمل اية بالظبط ممكن توضحلى اكتر ؟

Coffee_52272 🇪🇬 · Answer

ايوه ايوه استغبي عشان تبين ان دا مش هدفك

Durian_52455 🇪🇬 · Answer

وهو حضرتك اتكلمت معايا قبل كدة علشان استغبى عليك ؟
ولا إنت ليك أهداف تانية من ورا تلقيحك

Coffee_52272 🇪🇬 · Answer

ليه ياعم العلق شايفني بقول للبنات ياسكر وافضل اعرضلهم واقول كلام مينفعش يتقال وقلوب وبتاع ودا مش تلقيح دا تحذير هي تلاقيها فاكراك بنت اساسا

Durian_52455 🇪🇬 · Answer

وهوا انت مش واخد بالك إن اسم الفاكهة اللى مختاراه سكر ؟
متنساش تكشف نظر عند دكتور العيون قبل ماتنام 😘

Coffee_52272 🇪🇬 · Answer

انت عاوز فين كدا؟ واضح انك حمار ومفهمتش كلامي اساسا