مش عارفة أقرر ألاقي شاب كبير عايز إيه مني

Question

انا عندى 22 سنه لسه متخرجه اتعرف عليا شاب عنده 36 سنه اصر انه يكلمنى مع انى كنت رافضه تماما بس هو بعتلى وحلف كتير انه مش. بيتسلى خصوصا انه كبير وعارف اهلى م زمان وانا عارفاه م صغرى بس متعاملتش معاه  بس عايز فرصه مده مش كبيره هو حاليا مسافر برا اديله ست شهور ونازل بعد يومين وبيكلمنى ديما انه عايز يقابلنى ..هو مخدش اى خطوه خالص وحساه تايه كده مش عارف يعمل حاجه... كلامه كويس ومحترم بس مفيش اى سبب واضح يخلينى استمر معاه ..انا لحد الآن مش عارفه أخد قرار انزل اقابله بس المقابله دى ع اساس اعرف هو عايز اى واجيب اخر ولا بلاش ..انا معجبه بيه اه بس عايزه اعرف نيته اى لانى معرفش شخصيته ولا حياته ماشيه ازاى

Biscuit_71546 🇪🇬 · Accepted Answer

لو محتاجه نصيحه حقيقيه من حد نفس سنه وعاش غربه 
بلاش 
اوقات الغربه بتخلينا محتاجين شريك نحس معاه بالامان

وعلاقتنا وقتها بتبقي مستنيره جدا خاليه من مشاعر المراهقه

فاللي ماجربش بيدوب في عالم مزيف مبني علي حرمان المغترب من المشاعر

المشاعر دي هو قدر يوصلها لما اتصوال معاكي بشتي الطرق

بس صدقيني لما هينزل هيلاقي مشاعر كتيره هنا وعوائق

فانا خايف انك تنجرحي لما تتصدمي بالشخصيه التانيه اللي ابعدي ❤️

Carrot_71203 🇪🇬 · Answer

بصراحه فرق السن فيما بعد هيكون عائق كبير جدا ، ومش هتعرفوا تنسجموا فى علاقتكم ، الموضوع لو اخذ مسار زواج من وجهه نظرى هتكون صعبه جدا ، بس على العموم ربنا يوفقك

Banana_63629 🇪🇬 · Answer

فرق كبير هتلاقيه مستنفذ و معندوش طاقة يدي اي حاجة إلا أنه يحقق الارتباط بس

Banana_69400 🇪🇬 · Answer

فرق جامد في السن بينكم

Corn_73156 🇪🇬 · Answer

عرفي حد من أهلك متفهم و قوليله إنك قايله لمامتك  او أختك مثلآ و مبتعمليش حاجة من وراهم و ممكن تاخدي حد معاكي و أنتي نازلة برضوا لو هيستناكي بعيد و أتعرفي عليه و خدي قرار كأنها مقابلة حد متقدم و قرري بقي براحتك و قوليله إنك عايزة تعرفي هو عايز أيه بالظبط لأنك مبتحبيش الكلام العايم و فكري في فرق السن برضوا ( حقك )

Strawberry_71160 🇪🇬 · Answer

فرق سن كبييير اوي

Cherry_75525 🇪🇬 · Answer

انا شاب وبقولك اوعي تنزلي تقابليه نهائي
المفروض انه شخص كبير وفاهم عاوز أي حاجه يدخل البيت من بابه غير كده سيبك منه مهما كنتي شايفاه مناسب وميتعوضش اوعي تنزل اوعي تنزلي اوعي تنزلي

Banana_66687 🇪🇬 · Answer

تعالي نتكلم شويه

Sugar_76259 🇪🇬 · Answer

يعني كل الحماس و الاهتمام وهمي و مش حقيقي و ممكن بعد كدا يزهق او يمل؟ هو اتقدملي و بيحاول يعمل كل حاجة علشان نتجوز و انا متأثرة جدا بمدى اهتمامه و اصراره و تمسكه ممكن دا كله يكون فراغ و بعد الجواز يفقد الاهتمام تماما و يكون فخ؟!