مش عارفه اختار مجال دراسي وخايفه من الغلط

Question

مش حاسه إن عندي ميول او شغف من نحيه حاجه معينه فمش عارفه اختار ادخل مجال طبي وابقي ملزمه بكليه ومذاكره مجهده وامتياز ودبلومه علشان مثلا اشتغل في التجميل ولا ادخل مجال حديث اربع سنين واحل نفسي من الروتين و الاجهاد دا بس في نفس الوقت نفسي في لقب الدكتوره وفي نفس اللحظة المجلات التانيه مغريه من حيث إن دا المستقبل والفرص اكتر والرواتب احسن والطريق حساه اسهل عارفه أنها معادله للبعض واضحه وسهله بس بجد أنا مش قادره احدد وخايفه اختار حاجه مش مناسبه لقدراتي وبذات إني مليش في الكومبيوتر وكدا خالص بس بقول إن محدش مولود بيعرف اي حاجه واني ممكن اتعلم.. وفكرت إني ادخل الكليه واحصل على لقب الدكتوره وبعدين اعمل شيفت كرير واخد كورسات واشتغل في مجالات التكنولوجيا وكدا..ممكن نصيحه

Watermelon_59034 🇪🇬 · Answer

اعملي الحاجه اللي انتي بتحبيها المجال اللي حاسه هترتاحي فيه المجال هيخليي عند استمرار و شغف عشان لو دخلتي حاجه مش حساها مش هتبقي مرتاحه فيه هتتعبي.
الالقاب و الحاجات دي ملهاش لازمة و الله و ربنا يوفقك

Coffee_60138 🇺🇸 · Answer

مرسي

Apple_60055 🇺🇸 · Answer

المجال الطبي كويس لاكن احسبي الاول هل هتقدري علي مصاريفو السبع سنين هل هتقدري علي بهدلتو وموصلاتو لو هتقدري واهلك هيقدرو مادين من غير ما تظلميهم ادخلي عادي وهما الاتنين حلوين هنا دكتوره وهنا مهندسه 
 والبنت ملهاش غير بيت جوزها😂

Coffee_60138 🇺🇸 · Answer

مرسي

Toast_57636 🇪🇬 · Answer

دورى كويس على شغفك شوفيه متمحور فين وخشى على حسب شغك وحبك وشوفى نوع الدراسه اللى بتحبيها يعنى لو بتحبى الرياضه والبرمجة خشى حاسبات أو اى حاجه تبعها ولو بتحبى الاحياء والجولوجيا خشى اى حاجه تبع طب ومتقلقيش لو مش عارفه حاجه خشى وهتتعلمى