مش عارفه أحب حد بعد ما اتخذلت وشخص بيضغط عليا

Question

انا اتعرفت علي شخص ف جروب ما واتكلمنا فتره وهوا جبني انا مقدرتش احبه او معرفتش بسبب ان اديت لناس كتير فرصتي  وخذلوني ومبقتش اعرف احب حد قفلت الفكره 
دي هوا حاول معايا بكل الطرق ف مره قولتلو عندنا ضيوف وكدا راح ترجم انو حالي عريس وقالي كلام صعب اوى ان بتسلي بيه وان عمره م هياسمحني لو دخولى الجنه واقف عليه مش هيسامحني وبعدين قولتلو انت بترجم اي حاجه علي مزاجك وقالي معلش انا كنت متعصب بس بصراحه انا خوفت منو ازاي شخص بيحب حد ميسامحهوش او يوصل الكلام لكدا من كام يوم بقي قالي انا مشوفتش ي تقررو دلوقتي وتقولي اه او لا وعمال يضغط عليا بشكل وقالي انا مشوفتش منك غير كل وحش وانتي يتصديني وكلام وحش تاني ومش هسامح حد أنا لما بقولو لو انت شايف دا سامحني مع انو دايماً بيقولي انتي احسن واحده ف الدنيا انتي قلبك البيض وبتراعي مشاعر غيرك انتي وانا عمرى م زعلت منك ميعرفش ازعل منك و حسيتو بيقلب شخص تاني بخاف منو و و و انا قلتلو متتعلقش بيا وبلاش انا شخصيه حاليا مشاعري متلخبطه وتايهه ومعنديش حاجه اقدمهالك وهوا قالي انا علي قلبي زي العسل خايفا تكون ظالماه بس هوا بجد بيضغط عليا جدا جدا أنا أعصابي مش مستحمله خالص بصراحه إداني وقتي بس انا لسه مش مستعده (بنتكلم من شهر ١٢ )
خايفا أكون ظلمته وربنا يحاسبني ومش عارفا اعمل اي وخائفا ارد اقولو لا هوا ف ظروف صعبه ومش حابه أزعله الأيام دي بس هوا ال بيفتح الموضوع كل دقيقه وهوا ال قالي عايز رد دلوقتي قولتلو لما ظروفك تتحسن والأوضاع تستقر مش راضي بس انا شايفاه ان دوقياً مينفعش اعمل دا حد يساعدني ويقولي اعمل اي لان دماغي واقفه

Carrot_59074 🇪🇬 · Answer

أنا هقولك الكلام اللي المفروض يتقال من أول لحظة، حتى لو كان صعب شوية…

الموضوع من بدايته غلط. كل ده مجرد شغل مراهقة وفراغ عاطفي، وكلامك معاه من الأساس كان خطأ، لأنك ببساطة بتدي مشاعر واهتمام لشخص لا هو دخل من باب بيتك، ولا قدم خطوة محترمة تعكس نية حقيقية.

الشخص الوحيد اللي يستحق حبك، واهتمامك، ومشاعرك، وكل حاجة جواكي… هو اللي هييجي من الباب، ويخطبك من أهلك، ويحافظ عليكي بحق ربنا، ويصونك

Carrot_59074 🇪🇬 · Answer

لكن اللي بيضغط على أعصابك، ويقلّب عليك مشاعرك، ويبتزك بكلام عنيف مرة، وبعدين حنين مرة، ده مش حب… ده تحكم، وده خطر على نفسيتك ودينك.

فبلاش تلومي نفسك، ولا تعيشي في عقدة ذنب، ووفّري مشاعرك الحقيقية للي يستحقها، للي ربنا هيبعته في الوقت الصح من الباب الصح. ركزي في دراستك، في مستقبلك، في علاقتك بربنا، وارجعي لربنا بقلب صادق… ساعتها هتفهمي إن كل اللي فات كان مجرد وهم، ومالوش أي قيمة.

Coffee_61498 🇪🇬 · Answer

دا نفسيته مش مستقرة خدي بالك .. استخيري ولو مرتحتيش انهي الموضوع مرة واحدة ومتقلقيش عليه هيعيش ويتعرف ويروح وبجي عادي

Coconut_15725 🇪🇬 · Answer

الفكره ان خايفا ابقي وحشه وادمر حياته عشان بيفضل يقولي قوليلي قرارك اي اه هعيش مبسوط وهتخليني اسعد إنسان ف الدنيا ولو لا انا هقفل علي نفسي  وابقي اتعس إنسان ف الدنيا كفايا لحد كدا عشان هوا كان في علاقتين قبلي وفشلوا ودمروه برضو ف خايفا ابقي باجي عليه