مش عارفة اعمل ايه مع الزعل والألم في الصدر

Question

اوقات كتير ممكن يومي يتقفل بسبب موضوع تافهه و ممكن ابقى قاعدة كويسة و مبسوطة فجأة افتكر حاجة و ازعل أو دماغي تفكر في اي حاجة و اتضايق و اوقات الزعل بيوصل لألم في الصدر و تعب 
مش عارفة اعمل ايه ، مش عايزة ابقى كده

Avocado_49071 🇪🇬 · Answer

ادي الزعل حقه علشان تعرفي تتدي الفرحه حقها

Blueberry_46540 🇪🇬 · Answer

أنا اصلا معرفش ايه اللي بيحصل فجأة بحس اني اتخنقت من العالم و كرهت الناس كلها حتى لو روحي فيهم

Avocado_49071 🇪🇬 · Answer

منا بقولك لما يجيلك شعور زعل ف وقت معين متعمليش اسكيب ليه لا اديله حقه وازعلي

Avocado_49071 🇪🇬 · Answer

لأن دا كلو بيبقي بسبب أننا بنكتم حوانا

Blueberry_46540 🇪🇬 · Answer

مش عارفة أنا تعبت بجد ، أنا حاسه اني ممكن اخسر ناس بسبب ده ، لأن بجد بس الحالة اللي بتيجي دي بتكرهني في كل الناس و مببقاش طيقاهم و معنديش مانع كله يخرج من حياتي

Avocado_49071 🇪🇬 · Answer

بظبط فدي كل حاجه حقها واهدي خد وقتك العالم سريع بس ف وقت لكل حاجه بس انتي ركزي

Blueberry_46540 🇪🇬 · Answer

يا رب

Chilli_63940 🇪🇬 · Answer

انا بمر بنفس الحاجه او أقوى شويه بصراحه بيجيلي بانك اتاك و مبكلش من اسابيع بس اوعي تعملي كدا حاولي تخرجي من اللي انتي فيه

Blueberry_46540 🇪🇬 · Answer

أنا بجيلي ألم صدري و مبعرفش انام من الوجع حتى و بحس بضيقة و بجد الموضوع بيبقى متعب

Strawberry_75117 🇪🇬 · Answer

broken heart syndrome فيه حاجة الشرايين بتعملها انها ممكن من الزعل تديق وده مش بيوصل الدم كويس وبيبقي عامل زي احساس الذبحة بالظبت مؤلم جدا في القلب والكتف الشمال

ليه المخ بيسترجع المواقف الي بتزعل؟ عشان آلية البقاء المخ مصمم انه يسترجع الذكريات المؤلمة عشان يحذر منها عشان منقعش فيها تاني وبيفكر في المستقبل عشان ميخبطش في حيطة سد

Strawberry_75117 🇪🇬 · Answer

الحل ؟ ١- اول ما ندرك اننا بنفتكر حاجة سيئة نعمل ادراك للوقت الحالي بصي في الساعة وفكري ان الامر ده انتهي وانك دلوقتي الساعة ٦ ونص ٣٠ اغسطس وخدي نفس عميق لحد ما رئتك تتملي وطلعيه براحة ده بيخلي عصب الهدوؤparasympathetic nerve يشتغل وساعتها نبضات القلب هتهدي ومخك هيستوعب ان الامر انتهي

Strawberry_75117 🇪🇬 · Answer

٢- الاستعانة بربنا كتير اوي ذكر ربنا في الوقت ده بيحسس الشخص بالأمان اصل مين هيئذي شخص ربنا بيحميه الشخص نفسه ميقدرش يئذي نفسه لو ربنا حاميه فالمعية دي بتخلي الشخص يحس براحة نفسية عالية جدا وبيتناسا كل حاجة بيمر بيها

٣- حطي لنفسك ديما كلمة في مخك ان الحاضر هو الي مهم

كتب انصح بقرائتها the power of now ekhart toll وكتاب can't hurt me david Godin

Blueberry_46540 🇪🇬 · Answer

طب اعمل ايه في إن ساعات بيحصل موقف بفكر فيه بسلبيه جدا جدا يعني ممكن مثلا واحدة صاحبتي قالت حاجة بفكر إن معناها كذا و هي كده مخصماني و قصدها مش عارفة و اقعد افكر هرد عليها ازاي و كل ده و بحس بنفس الاحساس دماغي مش بتبطل تفكير مبقدرش اخد الكلمة كده عادي

Blueberry_46540 🇪🇬 · Answer

شكرا

Chilli_63940 🇪🇬 · Answer

لا حول ولا قوة الا بالله يبقى انتي زيي والله زعلت لاني عارف الموضوع ده وحش ازاي انا اسف بجد

Blueberry_46540 🇪🇬 · Answer

ربنا يشفينا

Chilli_63940 🇪🇬 · Answer

آمين يارب ربنا معاكي يارب ولو في فتره مهمه في حياتك زيي حاولي تتغلبي على تعبك يعني انا ثانويه عامه فلازم رغم الوجع والزعل اكمل وكملي انتي كمان

Chilli_63940 🇪🇬 · Answer

انا لسه شايف ردودك على الناس وطريقة تفكيرك زيي بظبط انا لسه عارف من يومين ان اللي عندنا ده بيبقى تعلق زياده بيخليكي من كتر حبك في الشخص بتكرهيه ممكن يكون كلام ملوش معنى ولو مفهمتهوش يبقى انتي مش كدا

Blueberry_46540 🇪🇬 · Answer

أنا خدت افراج منها الحمد لله

Blueberry_46540 🇪🇬 · Answer

ربنا معاك يا رب و سيبها على ربنا

Chilli_63940 🇪🇬 · Answer

والله متوتر اوي

Blueberry_46540 🇪🇬 · Answer

مش هتاخد اكتر من نصيبك فسيبها على ربنا و اعمل اللي عليك و ربنا مش هيضيع تعبك أبدا و الله

Chilli_63940 🇪🇬 · Answer

حاضر وشكرا اوي بجد لحضرتك انتي اصلا عندك مشكلك ومع ذلك بتنصحيني

Blueberry_46540 🇪🇬 · Answer

يا عم كلنا بنساعد بعض ربنا يوفقك و ينولك اللي في بالك

Chilli_63940 🇪🇬 · Answer

آمين واياكي يارب ويريح قلبك

Strawberry_75117 🇪🇬 · Answer

عفوا يا صديقي اتمني تكوني بخير ديما

Strawberry_75117 🇪🇬 · Answer

ده عامتا طبيعي عند اي بنت اختي زيك بالظبت وغالبا هتواجهي صعوبة في الشغل عشان بيئة الشغل بتكون موترة جدا ومحدش بياخد باله من رقة الشخص الي بيتكلم معاه بس .. هقولك قاعدتين لو طبقتيهم هترتاحي جامد وهم من الشريعة عشان ربنا عارف اننا هنوصل للمرحلة دي
١-  اذا عمرك شكيتي في حد متحققيش وتجاهلي الشك 
٢- اي شخص كان نيته أذيتك هو رصيد ليكي حسنات يوم القيامة ودي حاجة كويسة واستثمار كويس جدا

Strawberry_75117 🇪🇬 · Answer

الشخص العاطفي والرقيق ديما بيقدر للمشاعر ودي مش حاجة وحشة والاستفهام ديما بيكون لطيف منكم يعني لما اقول حاجة تحمل معنيين وانتي تخافي من المعني الوحش فتستفهمي مني كان قصدي ايه واوضح قصدي ده امر ضروري جدا في التفاهم بس توقع المعني التاني لا يعني صحته يعني متتهميش او تحكمي حكم مبدأي ان الشخص ده قصده وحش بس لما تحسي ان مخك قرر ده استفهمي من الشخص عشان بغرض الابتعاد عن الفكرة الوحشة مش اكتر

Blueberry_46540 🇪🇬 · Answer

فهمتك شكرا جدا لحضرتك

Strawberry_75117 🇪🇬 · Answer

العفو يا رب ديما بخير