مش طايقه كليتي وبندم علي عدم المذاكره

Question

انا مكنتش بذاكر ف الثانويه العامه  ودخلت كليه مش حباها خالص ومش طايقه الكليه ب اللي فيها دخلت كليه اقتصاد منزلي ومبحبش اقول لحد ع الكليه اللي انا فيها وبحس ان لما اقول لحد ع الكليه بيشوفني علي اني فاشله ومليش لازمه وكل يوم بندم اني مذاكرتش ومش عارفه اتخطي ولا عارفه اتأقلم لاني مش من الشخصيه اللي كل همي اقعد واتجوز ف وخلاص انا مش وكده ولا عاوزه اكون كده مش عارفه اعمل ايه ؟ ؟؟

Avocado_15865 🇪🇬 · Accepted Answer

بصي هقولك ع حاجه ارضي وحاولي تدوري ع شغفك ف مكان تاني ومش شرط انك عشان مكنتيش بتذاكري ف جبتي المجموع اللي يدخلك اقتصاد منزلي وكلنا اخدنا الخير لينا بس بطرق مختلفه انا كنت الاولي ف جميع سنواتي ومش هبالغ لو قولتلك اني بعرف اشرح منهج تالته ثانوي لاي حد واحسن م اي مدرس والله بس ماخدش مجموع بس راضيه وبحاول ارضي انا عارفه انه صعب اوي ويمكن انا اصعب منك لاني تعبت كتير اوي ق السنه دي بجد بس والله ده الخير

Avocado_15865 🇪🇬 · Answer

متعرفيش ايه اللي مكتوبلك ولا ايه مستقبلك انتي اسعي وشوفي شغفك وامشي وراه يحبيبتي وكل ما يجيلك التفكير ف انك مش عملتي االي عليكي استغفري وخليكي عارفه ان الخير ده

Apple_16027 🇪🇬 · Answer

ارضي بالامر الواقع لان اللي انتي فيه انتي السبب فيه ودا نصيبك فاارضي بيه دا اولا ثانيا بقا الكليه جميله جدا اعملي سيرش عنها واقعدي مع ناس بتحبها خليهم يكلموكي عن اللي بيحبوه ف الكليه وشوفي كورسات تنفعك ف المجال دا وشوفي ممكن تطوري نفسك فيها ازاي اهم حاجه ادعي ربنا يرضيكي ويرضي قلبم ويعوضك ويكتبلك الخير ديما

Strawberry_16018 🇪🇬 · Answer

ده طريقك اللى ربنا اختاره ليكي مينفعش تعترضي عليه حاولى تحبي تخصصك وكلام الناس مش هينفعك بالعكس هيدمر حاجات كتيره جواكى ولو معاكى فلوس ممكن تدخلى التخصص اللى انتى حابه تدخليه خاص

Coconut_16109 🇪🇬 · Answer

حاولي باي طريقة تنسي عشان الزعل والندم مش حلو ومش هيخليكي تطوري من نفسك عشان تبني شخصية قوية 
وحاولي تعملي حاجه انتي بتحبيها وتبطلي تفكري بسلبيه 
ونقرب من ربنا اكتر ونصلي لو احنا مش بنصلي ونعمل عباده ف السر بينا وبين ربنا وان شاء الله هتلاقي نفسك تلقائيا بتتحسيني ونسيتي كل حاجه اهم حاجه علاقتنا مع ربنا

Strawberry_16097 🇪🇬 · Answer

بحاول والله وبدعي وكل حاجه وان شاء الله فعلا يكون خير ليا وليكي

Strawberry_16097 🇪🇬 · Answer

لا والله بصلي وبدعي كتير الحمدلله

Strawberry_16097 🇪🇬 · Answer

منا كنت بدأت اني احبها كنت هدخل تخصص ملابس فيها بس طلع من علمي بس وانا كنت ادبي فا رجعت لنقطه الصفر تاني