في ناس عندها موهبة عجيبة في قلب الترابيزة تمشي غلط، وتتصرف بأنانية، ولما الدنيا تتقلب عليهم شوية، يلبسوا دور الضحية كأنهم ملايكة اتظلموا. انتي مش ضحية، انتي مجرد حد اتعود يرمي غلطه على غيره، ويستخبى في دور البريئة عشان ميضطرش يواجه الحقيقة… إن المشكلة فيكي، وإنك كنتي بتلعبي، وبتتسلّي، وبتجربي، من غير أي نية حقيقية تحافظي على حاجة بس الأصعب من كل ده؟ إنك صدقتي إنك تستحقي دايمًا حد يعدّي ويسامح وإن كرامته تبقى آخر أولويّاتك، وإن غضبك له مبررات، وزعلي أنا عليه علامة ضعف. وبقيتي شايفة إن الطبيعي إني أبلع، وأعدّي، وأسكت… مع إن اللي بيحترم نفسه، مبيفضلش في علاقة محتاجة كل مرة يتنازل عن كرامته عشان تكمل. فلو مستغربة البُعد، متستغربيش… أنا بس قررت أكون قاسي بالقدر اللي يحميني منك

7

0