مش راضية عن نفسي.. خايفة من الوحدة والهبل 💔

Question

الحقيقة انا مش راضية عن نفسي عشان انا مش عندي ثقة في نفسي ودايما خايفة وبخاف اوي من ان حد يبعد عني.... انا بتعلق ب اي حد بسرعة اوي لمجرد قالي كلمة حلوة بلاقيني اتعلقت عشان انا عارفة اني فاقدة للاهتمام والحنان اللي يخليني مكتفية بذاتي... عشان كدة بلاقي نفسي زي الهبلة بتعلق وخلاص بديله كل الاهتمام والمشاعر والحب اللي عندي عشان ميفكرش يسيبني في يوم لوحدي بلاقي نفسي عمالة اخلص في مشاعري واستنزفها علي الناس وانا مخدتش حاجة هفضل جبانة وخايفة وهبلة كدة لحد امتي؟! 💔

Chilli_28161 🇪🇬 · Answer

انا زيك..نفسي الاقي حل
هو بجد في ناس عكسنا عادي مش بيتعلقو بسرعه وفاهمين مشاعرهم؟
ازاي بيقدرو يعملو كدا!  احنا ازاي جوانا الضعف دا!

Broccoli_28084 🇪🇬 · Answer

بصي انت مش محتاجه غير انك تتفهمي و عايزة حد يفهمك بس و انتي مشكلتك كمان سريعه التعلق زيي بالظبط و ده أكبر عيب ف الشخص سريع التعلق انه بيتخذل اوي من كل الناس

Ice Cream_26252 🇪🇬 · Answer

فعلا بتحس بالضعف انك عاوزة دايما حد جنبك يطمنك ويفهمك ويسمع لمشاكلك ويومك بس في الاخر هتلاقيه كان مجرد استغلال او تسلية ومشاعرك بتروح في الفراغ ومحدش بيتضر غيرك

Ice Cream_26252 🇪🇬 · Answer

بتتخذل اوي وبتحس انهم شايفين ان دا هبل

Apple_27119 🇪🇬 · Answer

وكل ما تدى اهتمام وحب غير، مشروط هيفضلوا يضمنوا وجودك ويفضلوا يخرجوا من حياتك ويبعدو عنك او يعاملوكى بطريقه انتى متستحقيهاش  الحل انك تشغليييي نفسك لاابعد درجه تحاولى تعملى اى حاجه اعتمدى على، نفسك وفرحى، نفسك قد ما تقدرى اتعلمى اذاى تكونى مبسوطه ومرتاحه وانتى لوحدك

Potato_27813 🇪🇬 · Answer

تعالي نمسك الكلام ده جزء جزء 
أول حاجه بتقولي انتي مش راضيه عن نفسك عشان مش واثقه في نفسك و ده مش صح عدم الرضي عن الذات بشكل كامل ده شئ صحي عشان نقدر نطور من نفسنا و لكن فكره عدم الرضي عن الذات بسبب انعدام الثقه مش شئ صحيح لأن في الواقع العكس انعدم الثقه هو سبب عدم الرضي عن الذات

Ice Cream_26252 🇪🇬 · Answer

بحاول كدة كدة لازم اشتغل واشوف حياتي ومستقبلي🩷

Ice Cream_26252 🇪🇬 · Answer

مش واثقة في نفسي لان دايما لو حد قالي حاجة تلاقيني بتاثر علي طول او مثلا اني مش مصدقة نفسي ان ممكن اعمل حاجة ناجحة وكويسة او اني انجح لوحدي بحس دايما ان في حاجة ناقصة

Potato_27813 🇪🇬 · Answer

أول مشكله خايفه الناس تبعد عنك و هنا سؤال مهم ليه خايفه الناس تبعد عنك طب ما تبعد الناس ممكن مثلا عشان متبقيش لوحدك طب ليه مش عايزه تبقي لوحدك و تفضلي تسألي بقا لحد ما توصلي للإجابة و تعرفي اصل المشكله و الموضوع يتحل

Potato_27813 🇪🇬 · Answer

لو فاقده الاهتمام يبقا أول سؤال مهم هو طب مل تهتمي بنفسك و تعملي صحاب يهتمو بيكي و تهتمي بيهم و تكوني حنينه عليهم و يكونو كذلك معاكي فكره انك تكوني عايز اهتمام ده شئ طبيعي كلنا كبشر عايزين اهتمام عشان كده حاولي تعملي أصدقاء و اهتمي بنفسك و هكذا يعني

Potato_27813 🇪🇬 · Answer

و آخر جزء انتي مش جبان و هبله بالعكس انتي شجاعة و ذكية جدآ عشان عارفه مشكلتك و عايزه حل و ربنا يوفقك للاختيار الصح و يهدينا و يهديكي🤍😁

Potato_27813 🇪🇬 · Answer

الكمال لله واحده مفيش نجاح او شئ في الحياة دي كامل و محدش بينجح لوحده اكيد في تيم او حد ساعدو في النجاح انتي بس صدقي في نفسك انك تقدري تنجحي و تكوني شاطرة و خلي عنديك أيمان في الله أولا و في نفسك ثانيآ و حاولي لما تتكلمي مع نفسك و تلقيها بتقولك انك متقدريش ردي عليها انك هتقدري لحد ما الصوت اللي بيقولك متقدريش يختفي مع الوقت

Ice Cream_26252 🇪🇬 · Answer

ان شاء الله خير🩷