مش بلاقي ناس شبهي وبحس بالغربة حتي مع صحابي

Watermelon_10758

منذ سنة واحدة

شعور Not great 😕

عندي 13سنه مش عارفة ايه علاقة سني بس تمام يعني أنا أوقات كتير بحس ان البيئة الي حواليا مش المفروض اني اكون فيها ودايما حاسه اني مختلفة ومش لاقيه ناس شبهي غير أهلي تقريبا دايما ببقي حاسه بالغربة وانا قاعده مع صحابي لو جبت موضوع مهم نتناقش فيه بيقعدوا يتريقو وكل مواضيعهم عن الأولاد وجو المراهقين ده كل ما اتكلم عن كتاب او عن انجاز انا عملته القاعدة بتقلب تريقه عليا وكلها تعليقات سخيفة وبعدها بيروحو يقلدوني انا واثقة في نفسي وعارفة اني افضل منهم كلهم بس ساعات الموضوع بيقلب معايا بحزن شديد ومش بقدر اتمالك نفسي ممكن اتطاول علي حد فيهم بالرد ويزعل جامد يا اما بسكت ومش برد واعيط بالساعات لأهلي انه امتي هلاقي الناس الي شبهي بجد ونفس تفكيري وامتي كل واحد هيبقي ليه شخصيته ويبطل يقلد التاني وامتي هلاقي الناس الي لما نتقابل يبقي كلامنا عن نفسنا واهتمامتنا مش عن الأولاد والمواضيع الزفت دي....

ليه مش اجتماعي وعندي رهاب اجتماعي؟ 💔

ايه الحاجة إللي تخلي واحد عنده 22 سنة ميبقاش اجتماعي و بيتكلم كتير بحس إني شخص مريب وسط صحابي شلة الجامعه مثلا بروح ممكن متكلمش مع حد طول اليوم غير 2 صحابي و الباقي مفيش كلمة تتقال بينا الواحد بيبقي عايز يتكلم و يتعامل مع الناس بس حاسس إني قليل بسبب لبسي أو منطقتي القديمة مثلا أمي كانت تقعد تقولي متقولش لحد إنك من أبو قتادة و لحد دلوقتي مع اننا مشينا من زمان هل ده خلاني من و أنا طفل حاسس إني مسخ المفروض مبقاش زي باقي الناس أو أبويا اللي عمره ما حسسني بالثقة في نفسي حتي لحد دلوقتي أمسك كوباية ماية مثلا لازم يقولي كلام زي متنساش توقعها بقي مع إني عمري ما وقعت كوباية أو طبق ياريت حد يفيدني عشان الموضوع ده مجنني هل ده رهاب اجتماعي علي خفيف مثلا ؟ أنا حتي معنديش ضحكة بصوت عالي اعلي ضحكة ليا بتبقي هوا من مناخيري اكني بنضفها لو حد فاهمني الموضوع رخم آوي 💔 ...عرض المزيد

6 الدعم

3 نصيحة

عمري ما كنت الصاحبة المفضلة لحد.. حتي لو بيقولوا كده

انا كنت دايما البديل عمري ما كنت الصاحبة المفضلة بجد لحد حتي لو كانوا بيقولوا كده بس افعالهم كانت بتبين العكس. كل ما احب حد و افتكر ان خلاص كده دي الbest friend بتاعتي اطلع ان انا بالنسبة ليها زي اي حد تاني و ان عندها صاحبة مفضلة ...عرض المزيد

11 الدعم

1 نصيحة

خايفة من التغيرات اللي جاية بعد ما فهمت قيمتي الحقيقية

ساعات كتير اهالينا بيقعدو يحاولو يوعو فينا وغالبا مش بنفهم غير لما نتدعك في الحياه مره واثنين وتلاته..بصراحه حاسه وانا داخله عال٢٢ سنه بتغيرات كتير في وجهات نظري مش عارفه يمكن علشان بقيت بقرا في تفسير القرآن بتركيز ولا علشان في كتب رهيبه جدا قرأتها حسيتها شبه بضبط الي عيشته من وجع وكده بس كل حاجه بيحكيها الكاتب بيقول بعدها وجهة نظره فيها فالي هو بشوف حاجه أنا عشتها وبسمع وجهة نظر ده حتى دفعت كتير بس جبت الكتابين التانيين ولو أن فيهم شبه من الاول دلوقتي فين الفكره حاسه اني وجهة نظري اتغيرت فحاجات كتير يعني فالاول كنت بنقص من نفسي لما احب الي قدامي وميحبنيش واجري ورا بنت او ولد ولا لما اعمل خير ومحسش بتقدير ولا لما بفكر فموضوع العلاقات حاسه حاجات كتير اتغيرت تفكيري وده مسببلي اني خايفه ومش منطمنه عالدنيا الجايه بقيت بحس أنه العمر قصير فالاصل أنه نعامل ربنا فالناس ولو صعبين وأنه البنت عزيزه جداا وبغض النظر بقى عن الكلام الكلاسيكي فأنا بقيت وجهة نظري أن مش اي حد اقول عليه صديقه او ادخلوا حياتي مش كله يستاهل ومش كله سالك ولا كله بيصون ولا بيبقى قد الثقه أنا بس بقيت شايفه أن لازم الشب هو الي يحاول وحتى مش بطرق وعره لا لازم يبين جديته ويبينها جدا حتى مش اي حد من البنات يقول صحبتي مش تكبر بس اكتشفت ازاي الدنيا بتختلف لما الواحد يفوق على حاجه اسمها قيمته كل انسان قيم جدا وحاجات كتير تقلل من قيمتنا وحاجات كتير تعليها واحنا الي بنختار بس بقيت مقتنعه اني مش هبص لاي حد مش بيبادلني وأنه لازم دايما اخد وعطى علشان أنا لليوم كنت الكلبه المخلصه الوفيه وياما اتخذلت من اقرب الناس حتى صحابي لما بيقولو ياا هو حطني فبالو ولا ايه بقيت أنا لو حصل معايا موقف شبيه الي هو جدا عادي الي عايز مش هيلف الي عايز خلي يجي يبين وبقولهم أنه سبيكم من اي وهم لحد ما ربي يبعت النصيب غير كده مفيش غير التطوير اكتر واكتر ف في طائر العنقاء فقصته أنا مش فارق معايا غير بي ونجاحي اكتر واكتر بس ارجع واقول النضج المفاجئ ده مخوفني وعاملي قلق ...عرض المزيد

13 الدعم

0 نصيحة