عندي واحده معايا في السكن طول الوقت معايا و عاوزه تكون معايا في كل حاجه أي مكان أروحه أي حاجه أجيبها مفيش حاجه جبتها هي متجبهاش مبتسبنيش حتى أصحابي الا ولازم هي تيجي معانا أو تكلمهم نروح مع بعض حتى في الكلام معاهم تسكني و أنا بتكلم و تتكلم عن نفسها حتى لو مش بوجه كلام ليها تيجي و تعلي عليا معيشاني في مقارنه أنا في غنى عنها أنا مش بأفور حتى خلفيه الفون بتاعي دورت عليها و حطت زيها في المذاكره حتى لما قولتلها اني مش بعرف أذاكر مع حد برضو تيجي تجيب كتبها و تقعد جنبي و ياريت بتذاكر لا بتقعد ماسكه الفون و دا بيشتتني أنا كلمتها كتير و قولتلها على ال مزهقني بس هي ولا فارق معاها الموضوع مدايقني و بحاول أكون في حالي و هي بردو مش سيباني أعمل إيه و هل المشكله فيا؟

3

9