أبي بيضربني ويعايرني عشان عانس ومش هتتجوز

Question

يمكن دي اول مره اتكلم فيها عن الموضوع ده بس عايزه الاقيله حل .
هو الطبيعي ابويا يقولي يا عانس مناسبه أو غير مناسبه ارفض عريس عشان مفيش حاجه شاداني ليه يقولي ملكيش حق انتي عانس و طالما مفيش حد بتحبيه يبقى ملكيش حق تتشرطي 
و يقولي الراجل المهم يكون معاه فلوس مش مهم الحاجات التانيه
أقوله في ناس كانوا دكاتره و اهاليهم كويسين يطلعوا مش كويسين يقولي مفيش حاجه تعيب راجل
لدرجه انواع بتريق عليا مع عماتي و بقيت اكره أكلمه عشان بيقنعوني بناس هما رافضينهم لبناتهم
و وصل الحال للضرب ضرب مفيهوش رحمه و جسمي اتملى كدمات و لما وقيفتله و قولتوا متضربنيش انا كبيره و اقاوم خنقني و اضطريت اذقه عشان يسيبني لاكن فرق الحجم مش في صفي و يقولي مليش دعوه بيكي و كل شويه يقولي انتي ملكيش حق عندي و اصرفي على نفسك من فتره طويله
و مرتبات الحكومه ضعيفه و هو عارف و كنت بروح الخاص لدرجه مكنتش بروح البيت غير للنوم 
برضه يعايرني و يقولي محدش هيتجوزك و انتي كده طول النهار في الشغل
سيبت الشغل و قعدت في البيت مبيصرفش عليا اضطريت ارجع الشغل عشان ميذلنيش اكتر من كده
بس اخر مره لما شوفت جسمي معلم و امي واقفه ساكته مهي منقدرش عليه
و المشكله ان هو معاه فلوس و حتى لما ورث مكنش عنده مشكله الورثه بتاعته تضيع بس مصرفهاش علينا
اعمل ايه انا بدعي ربنا يصبرني بس خايفه اكون بأذي نفسه و انا بكتم الحزن ده

Pineapple_63846 🇪🇬 · Answer

اولا ابوكي معندوش حق 
ثانيا الرفض بدون م تعرفي الشخص الي متقدملك مش صح ادي لنفسك فرصه لان ممكن يطلع انسان كويس 
صلي استخاره و ادي لنفسك فرصه و لو طلع مش مناسب يبقي انتي مخسرتيش حاجه

Strawberry_63058 🇪🇬 · Answer

مانا بكون عارفه الشخصيه من كلام اهلهم عليه

Watermelon_56950 🇪🇬 · Answer

معلش بس حضرتك كام سنه

Strawberry_63058 🇪🇬 · Answer

غير انهم عايزين حاجه سريعه بنت شكلها حلوه تتجوز ابنهم اللي متفكرش في الجواز صاحب الشأن مكنش موجود و اسلوب أهله كأنهم بيشوفوا بضاعه و حتى صورته مدنيش الحق اشوفها بس عرفت اشوفه و ده اكدلي عالرفض

Strawberry_63058 🇪🇬 · Answer

30

Pineapple_63846 🇪🇬 · Answer

انا راجل وهقولك حاجه الراجل عمره م بيكون علي طبيعته اوي غير مع الانسانه الي هو اختارها اعرفيه منه هو مش من كلام أهله أو أهلك عليه انتي كبيره و عاقله و تقدري تحكمي الناس بتحكي الي هي عايزه تحكيه يعني لو انا بحب شخص اكيد هشكر فيه حتي لو ميستاهلش و لو بكره شخص اكيد مش هتكلم عنه كويس حتي لو هو كويس

Strawberry_63058 🇪🇬 · Answer

مانا قولتلك حتى من كلام أهله حسيت بالرفض

Pineapple_63846 🇪🇬 · Answer

انا قصدي علي شخص مش شخص معين يعني الي فهمته انك بترفضي عرسان كتير و مش بتدي لنفسك فرصه

Watermelon_32587 🇶🇦 · Answer

مو عارفه ايش اقول لك. الموضوع كله في كوم وانه يضربك وحاول يخنقك كوم ثاني 
يعني نصيحه احمي نفسك جسديا ونفسيا منه 
اكيد مش من الطبيعي والد يعاير ويعمل كل هذا لان الطبيعي انه يحمي وعارفه ان الجرح كبير لما شخص المفترض انه يكون أول شخص يحمينا ويخاف علينا هو أول شخص يجرحنا ويضرنا.  وانا أحييك لان بالرغم من كل شي ماعالجتي الخطأ بخطأ ثاني في بنات يتزوجون اي حد والسلام عشان ينجون من جحيم الاهل.

Strawberry_63058 🇪🇬 · Answer

الباقيين كنت معامله معاهم و عارفه شخصيتهم اقول لاهلي يقوليلي الراجل بتغير بعد الجواز

Chilli_63687 🇪🇬 · Answer

ربنا يخفف عنك

Watermelon_32587 🇶🇦 · Answer

ويلاقون ان اللي اخذوه فيه مشاكل اكبر من مشاكل الاهل. 
بس بعد اوعي انتي لنفسك مايكون هاي الشي مأثر عليك بطريقه عكسيه ويخليك ترفضين عشان خايفه من انه يطلع العريس مو كويس؟ اسأل الله ان يحنن قلب ابوك عليك ويرزقك بزوج صالح يجبر بخاطرك ويعوضك

Strawberry_63058 🇪🇬 · Answer

بحاول بس مش لاقيه شخص مناسب للاسف
عايزه حد يحتوي الاول و يخاف عليا عشان ميتكررش الموقف ده معاه

Pineapple_63846 🇪🇬 · Answer

اوعي تكوني بدوري علي شخص مثالي مفيش حد مثالي بس فيه حاجات حلوه في الشخص ده و شويه حاجات وحشه انتي بقي اختاري الي فيه حاجات وحشه و تعرفي تتاقلمي عليها

Strawberry_63058 🇪🇬 · Answer

لازم اعرف شخصيته الاول إذا كان مهتم رجال بغير على أهل بيته بيراعي ربنا بس كل مااصادف حد الاقي غير مسؤول أسراره كلها بره

Strawberry_63058 🇪🇬 · Answer

لا اكيد كلنا فينا عيوب بس الأساس بيراعي ربنا مش بخيل في مشاعره و متفهم

Strawberry_63058 🇪🇬 · Answer

يا رب مش عايزه اغلك في حق نفسي او في حقه

Avocado_33231 🇪🇬 · Answer

حاولي تلاقي شخص مناسب قبل فوات الاوان  بس حولي تستقلي برضو فلوسك عشان ميزلكيش

Watermelon_32587 🇶🇦 · Answer

اكيد صح كلامك صح

Watermelon_32587 🇶🇦 · Answer

ونصيحه اخيره
بخصوص والدك
دايما ادعي بهاذا الدعاء

اللهم يا ولي نعمتي وملاذي عند كربتي اجعل نقمته برداً وسلاماً علي كما جعلت النار برداً وسلاماً على سيدنا ابراهيم

Strawberry_63058 🇪🇬 · Answer

شكراً ده فعلاً المحتجاله

Strawberry_63058 🇪🇬 · Answer

حاولت بس الشهر ده كنت في ازمه شويه فطلب منه دواء هو حاجه بسيطه بس لقيته قام ضربني فجبت أخري الصراحه
اللي هو انا مش بحملك حاجه بس مره احجتلك تعمل كده فيا

Chilli_63687 🇪🇬 · Answer

استغفري كتير وصلي عالنبي كتير

Strawberry_63058 🇪🇬 · Answer

عليه افضل الصلاة و السلام

Chocolate_58313 🇪🇬 · Answer

انا اسف وبعتذر لكي عن اللي بتمري بيه
وما حدش له الحق أنه يضربك أو يئذيكي

انتي بداتي تستقلي ماديا وده اول حاجه صح
برافوا عليكي

حاوطي نفسك بمجتمع صحي أو جروب من اي نوع تحبيه تطوع / جامعه / ......... هم كتير بس دوري في محافظتك

عارضي اياكي ترضغي

سيبك من كلامهم عارف أنه جارح
بس احيانا بنبتلي اعتبريه ابتلاء
وهتكون قصه نجاح بعد ما تطلعي منها ناجحه

Strawberry_63058 🇪🇬 · Answer

جربت بس الظروف بتغير مابعرفش استمر في حاجه بس بحاول اشغل بالي ووقتي

Chocolate_58313 🇪🇬 · Answer

برافوا عليكي 👏👏👏

Watermelon_63493 🇪🇬 · Answer

كم سنة انتى

Strawberry_63058 🇪🇬 · Answer

30

Strawberry_63058 🇪🇬 · Answer

القاهره

Pistachio_63891 🇪🇬 · Answer

بصى 
استقلى ماديا تماما سيبك من الوظايف اعملى مشروع يس متسسبيش الوظيفه غير لما تضمنى ان مشروعك مشى 
بالنسبة لابوكى مفيش فيه حل لانه ابوكى و برضو لو قولتلك عيشى لوحدك مش هيرضى فدا اصبرى عليه و ادعى ربنا يخلصك من البيت دا على بيت حد يحبك و يعرف يصونك و الأهم تكونى قابلاه و مرتاحاله

Strawberry_63058 🇪🇬 · Answer

اللهم امين

Strawberry_63058 🇪🇬 · Answer

اوك