عندي مشكله في العلاقه وعايز حل من الجماعه

Question

سلام عليكم يا جماعة 
انا عندي مشكله و عايز حد عندو حل 
انا بكلم بنت بقالي شهرين كده و هي كويسة و محترمة جدا معايا و كويسة معايا جدا و انا و هي عندها ١٩ سنة و انا بقولها كلام حلو كتير و كده بس ولله غصب عني انا مش بعرف اسيطر علي مشاعري و انا مش عايزها تتعلق بيا خالص عشان المستقبل مش مضمون و انا لسة في بداية حياتي و كده ف انا عايز اعمل حاجات تخلي علاقتنا أصدقاء بس و تخليها متتعلقش بيا عشانها هي ولله عشان في المستقبل لو افترقنا هي متزعلش ف ياريت حد يساعدني من فضلكم

Pistachio_26702 🇪🇬 · Accepted Answer

علاقتكم حرام مهما كانت صحاب بس او بتحبو بعض او حتي عند بعض بس مفيش كلام او في كلام بسيط وبما إنك مش عايزها تتعلق بيك او العكس ف استغل الفرصه وابعد عنها خالص وافتكر ان من ترك شيئًا لله عوضه الله خيرًا منه وعشان متزعلش فهمها ان علاقتكم حرام وانكم كدا بتغضبو ربنا ولازم تبعدو عشان ربنا يبقي راضي عنكم وهي اكيد كبيره بما فيه الكفايه وعارفه الغلط من الصح وهتستوعب دا وتبعد بس المهم انكم تخلصو النيه لله وبس

Coconut_59831 🇪🇬 · Answer

قولها بوضوح .

Mango_62654 🇪🇬 · Answer

يعني ايه معلش وضح اكتر 
انا عايز حل ميخلهاش زعلانة او متزعلش مني و اشيل زنبها و كده ف لو عندك حل هكون شاكر ليك جدا

Guava_62394 🇪🇬 · Answer

اقول بس متزعلش 
يعني انت بتقول المستقبل مش مضمون يعني مش واثق ولا بتحبها اصلا كنت هقولك اتقي الله لو بتحبها وبلاش تغضب ربنا واشتغل وركز في مستقبلك واتقدملها في الحلال بس انت بتتسلي 
انت لو قابل واحد يكلم اختك ويعمل زي اللي بتعمله انت عارف معناه اي ديوووووث اللي بيغار علي اهل بيته مش هتكلم بنات علشان ميتردش فيهم

Potato_62608 🇪🇬 · Answer

بص الجواز عفه وربنا وعد اللي عايز يتجوز ومش قادر انه هيعينه ويرزقه وتوكل على الله واستخير وخش البيت من بابه..

Guava_62394 🇪🇬 · Answer

اي تخلي علاقتنا صداقه بس دي اقطع علاقتك وقرب من ربنا دا الناس بتموت فجأه خاف ربنا انت المفروض تقول مش ضامن عمري موت الفجأة كتير والحوادث كتير

Mango_62654 🇪🇬 · Answer

طب اقطع علاقتي بيها ازاي من غير م ازعلها ؟

Biscuit_62485 🇪🇬 · Answer

بص هو بصراحة الافضل ولا صداقة ولا ارتباط كلامي هيضايقك بس ده احسنلك والله اولا انت باين عليك شاب طيب و صالح فيها ايه لو سبتها لله و الهتتركه لله ربنا هيدهولك علي طبق من دهب فوقته و كمان حلال اكتبلها رسالة محترمة و فهمها بكل هدوء هنا الطريق هيتقسم لاتنين هتقولك انا معاك و في ضهرك و سندك و مستنياك تعرف كده ان باذن الله دي هتبقي خير زوجة و تبطلو كلام عشان ربنا يباركلكم التاني هتزعل اعرف انها متستحقش

Mango_62654 🇪🇬 · Answer

يعني من كلامك 
انها لو زعلت تبقي بنت متستحقش و لو هي بنت كويسة هتقول انا معاك و هستناك و كده صح ؟

Guava_62394 🇪🇬 · Answer

تمام انت جواك شخص كويس ومش هتقبل ده علي اهل بيتك مافيش حاجة اسمها ازاي اقطع علاقتي بيها من غير ما ازعلها دا شرع ربنا دا واجب المفروض متزعلش بل تفوق وتحس .انت هتقولها انا مش هكلم حضرتك تاني لإن مش هعمل حاجة تغضب ربنا ومقبلش ده علي اخواتي علشان كده مقبلهوش علي غيري .تقبلت الأمر وبعدت يبقي هي كانت محتاجاه اللي يفوقها .لو متقبلتش الأمر وزعلت فدا يثبتلك انها مش مناسبه لإن كل شخص بيدور علي الزوج/ةالصالح

Coconut_59831 🇪🇬 · Answer

قولها بالنص كده انا خايف عليكي من كذا و كذا و دماغي فيها كذا فانا هحاول اركز في مستقبلي اكتر عشان منتعلقش ببعض بدون ما اكون مستعد لدا بس كده هتبقى عملت خير كبير اوي انك تقولها

Mango_62654 🇪🇬 · Answer

طب ممكن تقولي علي رسالة كده ابعتهلها و تكون رسالة توصلها كل حاجة من فضلك

Guava_62394 🇪🇬 · Answer

لا محدش يعرفها غير ربنا 
بس كل الموضوع لا تعلقها ولا تعشمها انتم تبعدو علشان متغضبوش ربنا وتشتغل علي نفسك وربنا عارف الخير فين فلو خير ليك هتكون من نصيبك مش خير فربنا عارف الخير فين

Watermelon_62113 🇪🇬 · Answer

الحل انك تبعد عنها لأنها علاقة حرام مهما كان حتي لو اصدقاء لأن في المجمل الاختلاط حرام وبعد كده هتقربو من بعض اكتر وساعتها هتقولو احنا بنحب بعض ومش هتقدرو تبعدو وتكسرو قلبكو ع الفاضي ف احسن تجنب كل ده عشانكو

Mango_62654 🇪🇬 · Answer

انا بعتلها انه ده حرام و انا مستقبلي مش مضمون و كده و علاقتنا لازم تنتهي عشانك و عشاني و أهلي قالولي ده حرام و كده و ربنا مش هيكرمنا في حياتنا و لو انا ليا نصيب فيكي ربنا هيخلينا نتقابل في المستقبل و كده و قولتلها كمان ان هي كانت بنت محترمة و جميلة و تستاهل كل خير و قولتلها اني هدعيلها دايما 
هي دي رسالة حلوة ؟

Coconut_59831 🇪🇬 · Answer

الرسالة من الكلام اللي انت نفسك كاتبة في البوست اهه .. انت لو خدته كوبي بست هي هتفهم .. ان انتي محترمة جدا و كويسة معايا و انا بتشد ليكي بدون ما اقدر اسيطر على مشاعري بس خايف من المستقبل لان لسه قدامي كتير كدراسة و شغل و خايف نتعلق ببعض و تتجرحي لاني لسه مش ضامن مستقبلي فانا هركز اكتر في مستقبلي عشان خايف اجرحك لو قربنا و كل حاجة بايد ربنا و بس كده وبعد الرسالة دي اتركوا المعصية لله لانه حرام

Coconut_59831 🇪🇬 · Answer

حرام سواء صداقة او حب ..من ترك شيئا لله عوضه الله خيرا منه .. و جايز ربنا يردكوا في الحلال لو كل حد ركز في مستقبله او يراضيكوا بالافضل لكن الأكيد ان لو كملتوا مش هتلاقوا غير الجرح ووجع القلب و تضييع الوقت و المشاعر

Mango_62654 🇪🇬 · Answer

م انا بعتلها كده و يارب متزعلش مني بس ده عشانها و عشاني ولله انا خايف عليها و ده حرام بردو و يارب م تزعل

Corn_56442 🇪🇬 · Answer

مشاعر البنت فى السن ده صعب التحكم فيها بمعنى مستحيل مشاعر حب تتحول لصداقة. إنت مش مدرك الصدمة والأذى النفسى اللى ممكن تسببه للبنت دى. هتشيل ذنبها لسنوات قدام ويمكن العمر كله. يا تكون قد العلاقة يا تنسحب باحترام و تختفى. مفيش حل تالت

Mango_62654 🇪🇬 · Answer

م انا بعمل كده دلوقتي بعتلها رسايل عشان انهي العلاقة باحترام عشان انا مش قد العلاقة دلوقتي

Durian_62534 🇪🇬 · Answer

نفس ال انا فيه و نفس السن و اعترفتلها بحبي و فشكلت معاها عشان خايف من المستقبل بعدكدا رجعنا و بعد كدا بعدت انا و اتحرق دمي لما لقيتها مش عاملالي حساب فرجعنا و الدوامه العارف انا انا هأذي نفسي فلأخر بيها دي