عندي واحده صاحبتي بتحبني جدا و متعلقه بيا و انا كمان بحبها و هي اكتر واحده في الدنيا بتفهمني بس للاسف علاقتي معاها بتستنزفني جداا و بتتعبني لاني للاسف متعلقه بيها جدا و متعوده نتشارك في كل حاجه ف لما تتشغل عني بسبب شخص تاني او علاقه عاطفيه بحس بزعل و اكتئاب و ببقي مش كويسه خالص و بخاف تبعد عني في يوم بس عمري ما قولتلها كده ولا هقول ف كل شويه احس اني مبسوطه معاها و بعدين ارجع اخاف و ازعل أن هي ممكن تبعد عني ف انا بجد حاسه اني مش قادره اكمل في علاقتي بيها و ده شئ مش هي السبب فيه اطلاقا بس انا تعبت من نفسي و عايزه ابعد علشان اهدي بس المشكله اني مش هقدر ابعد و امشي فجأه لان هي اكيد متستاهلش ده مني و خصوصا أن فيه صاحبه ليها قبلي بعدت عنها فجأه و الموضوع مأثر فيها جامد ف مش عايزه اعمل نفس اللي اتعمل فيها قبل كده بس بجد مبقيتش قادره اكمل و تعبت من نفسي بس هي كويسه اوي معايا و عمرها ما عملت حاجه زعلتني بس انا بيني و بين نفسي تعبانه اوي من علاقتي بيها ببقي نفسي اتهرب منها أو اقلل تعاملي معاها بس للاسف انا بشوفها كل يوم تقريبا علشان بنشتغل في نفس المكان وانا مش هقدر اسيب الشغل و هي مش هتسيبه برضو و كمان بنروح و نرجع سوا علشان احنا يعتبر جيران ف لازم غصب عني اقابلها كل يوم ف اعمل ايه؟ انا عارفه انها مشكله غريبه جدا بس فعلا علاقتنا بقت مرهقه اوي بالنسبالي و ده بسببي انا مش بسببها هي خالص بس مبقيتش قادره اكمل ف ازاي ابعد عنها او حتي اقلل تعامل معاها؟

5

0