عندي مشكله انا ٢١ سنه ومتقدملي واحد ٣٠ سنه واهله عارفين اهلي كويس وهو مهندس وعنده شقه وشغال ف شركه كبيره بس انا شايفاه كبير اوي عليا وغير كدا هو بعيد عني ف الشخصيه انا حاسه اني حد بيحب الهزار وعايشه ف احلام كدا ومواصفات عن الشخص اللي هرتبط بيه انه يبقا فاكك وروش وكدا الشخص دا قديم اوي وجد اوييييي وانا مش قادره اتحمل فكره اني اقعد معاه واتكلم معاه بس حتى بس بابا وماما مصرين اني اقعد معاه واتكلم معاه وقالولي ان فرق السن دا مش سبب كافي للرفض ف انا مش عارفه اعمل اي ومش عايزه اقعد معاه فعلا عشان مش هبقا مبسوطه ولا مرتاحه لان انا رفضاه من دلوقتي يعني اكيد لو قعدت معاه هيبان عليا اني مش مرتاحه ومش موافقه واهلي بيقولولي طب في حد تاني والفكره والله ما في حد تاني ولا اعرف حد بس انا حاطه مواصفات واحلام مش لاقيه منها حاجه ف الشخص دا وحاسه انهم هيدفنوني ف بيت ابقا زوجه لواحد اكبر من بتسع سنين وجد وملوش ف الخروج ولا الهزار ولا اي حاجه وافضل تعيسه ف حياتي

5

9