عندي مشكله بكتم في نفسي وبقيت بارده

Q: بمر بأسوأ وقت ومحدش حاسس فيا - تعبت نفسيًا وجسديًا

السلام عليكم ورحمة الله الحمد لله علي كل حال حاسه اني بمر بوقت من اصعب الاوقات اللي عدت عليا الحمد لله كله شايف اني اربعه ساعه ف السرير نايمه محدش شايف اد ايه اصلاا بعاني عشان انام محدش حاسس والله بعاني حرفيا عما اقوم من السرير كله شايف اني مش بذاكر محدش شايف اد ايه بحاول بس مش قادره مش قادره افتح كتاب واقعد اذاكر الحمد لله علي كل حال بس محدش حاسس اد ايه تعبانه ببين اني كويسه وبتعامل بطبعي بس انا حاسه اني مدمره

Q: مش عارف أعيط من ٣ سنين.. عايز حل!

السلام عليكم ،بقالي ٣ سنين مش عارف اعيط ممكن ناس تشوف اني دي حاجه حلوة او تافهه بس جوايا كمية طاقه سلبيه عايز اخرجها مش عارف جربت جميع الطرق الممكنة اغاني،قرأن ..كان اخري لي هو نقطتين عياط ، العياط فعلاً نعمه الموضوع فعلاً مأثر عليا ياريت لي عنده حل يفيدني وشكراً

Q: مش عارف أحكي إيه من كتر الكتمان.. إزاي أتحسن؟

حوار أن الشخص مبقاش عنده القدره أنه يحكي ده ليه حل و لا خلاص كده ؟ اللي هو الواحد مبقاش اصلا عارف يحكي ايه علشان مبقاش عارف في ايه من كتر الكتمان حتي لو فكرت احكي مش هعرف علشان معرفش احكي ايه تقريبا اخر مره حكيت بجد لحد حاجه حقيقيه مش حاجه كدب علشان يبعد عني و خلاص من 5 سنين و لا حاجه من قبل ثانويه عامه و انا مبحكيش لحد علي اي حاجه و محدش يعرف اي حاجه عني اصلا و دلوقتي في تالته كليه ف المفروض اعمل ايه علشان ابقي كويس

Question

اه عندي مشكله انا بقالي 5 سنين تقريبا بكتم في نفسي و دلوقتي عندي 15 سنه و بقيت شخصيه بارده بس الحمد لله بقيت بعرف اتحكم في برودي بس بقي صفه من صفاتي للاسف
يعتبر السنه اللي فاتت اول سنه ابدا احكي لحد (صحبتي)بس مش بعرف اعبر عن مشاعري زي مثلا لو حاجه مضيقاني مش بعرف اجمع الجمله كلها او اقولها بشكل مظبوط و مش بعرف اتكلم قدام الناس و بقعد اتلغبط في الكلام مع اني ممكن ابقي عارفاه بجد منصحش اي حد يكتم في نفسه و يقول لاي حد زي مامته او باباه او الصاحب/ة او حتي لو مفيش دول يبقي تكتب/ي في ورقه الملاحظات او تتكلم/ي قدام المرايا او حتي علي الموبايل

Durian_52455 🇪🇬 · Accepted Answer

شكرًا إنك حسستينى إنى مش لوحدى
وعايز اقولك واقول لأى حد بيكتم مشاعره، ان انا حسيت براحة نسبية لما عبرت عن اللى جوايا فى الابليكيشن هنا !
ف لو ملكش حد
اكتب هنا
واحنا هنسمعك ونحس بيك فأى وقت

Durian_52455 🇪🇬 · Answer

اما بمناسبة انك مبتعرفيش تعبرى، ف مفيش اى مشكلة إنك تبعتى هنا بردو اى كلام يجى على بالك
مش مهم هيكون مترتب ولا لا
ومش مهم الكلام هيكون مفهوم لينا ولا لا

الأهم من كللللل ده هو إنك (تعبرى)
حتى ولو موقف بسييييط وتافهة

Cherry_52458 🇪🇬 · Answer

مش بعرف اعبر في الكلام بس اني اكتب ف ده عادي +انا عندي صحبتي لما قولتلها علي ان ساعات كلامي بيبقي مش مظبوط قالتلي هو صعب بس ممكن و قالتلي عادي اتعلمي بجد تاني احسن صاحبه صاحبتها +شكرا اكيد هقول هنا علي التطبيق برده

Durian_52455 🇪🇬 · Answer

عامةً انا زيك وباخد وقت طويل علشان احط جملة مفيدة فى سياق اى موضوع (ده لو بتكلم عن نفسى)
لإن انا كمان شايف إن مش اى حد ليه الحق فى انه يعرف انا حاسس بيه. لإنه ممكن يستعمله ضدى بأى شكل!
بس المميز هنا هو اننا منعرفش بعض
ف دى فرصة عظيمة لينا كلنا

Cherry_52458 🇪🇬 · Answer

العفو يا حبيبتي

Cherry_52458 🇪🇬 · Answer

هو فعلا مش اي حد تحميلوا اي حاجه و انا برده مش بحكي لاي حد بس عتدي صحبتين بحبهم و بيحبوني و بحكيلهم + انا معديتش باي حاجه وحشه من صحابي كل اللي صحبتهم كانوا كويسين بس ربنا مش بيدي للواحد كل حاجه و بدل ما اشوف حاجه وحشه من صخابي شفتها في اهلي و مش بحبهم و عقدوني نفسيا و هما اللي وصلوني لانا فيه دلوقتي

Durian_52455 🇪🇬 · Answer

معلش حقك عليا انا 🙏🏽🙏🏽🙏🏽

Durian_52455 🇪🇬 · Answer

وزى ماقلتى ربنا مش بيدى كل حاجة للواحد.. لازم يكون فيه إبتلاء وإختبار من ربنا لينا
مش كل حاجة هتمشى على هوانا.. ربنا ليه حسابات وترتيبات تانية لينا
اتطمنى
مفيش حاجة بتضيع عند ربنا مهما الناس ضيعوا حقك 🤍

Cherry_52458 🇪🇬 · Answer

ان شاء الله خير و ربنا يصربنا كلنا