مش قادر أحب مصر وعايش في عشوائية دائمة

Question

عارف ان مشكلتي تبان تافهه بس بجد انا مش قادر احب مصر مش لاقي اي حاجه حلوه تخليني اتأقلم في الحياه هنا والمشكله ان معنديش المقدره على السفر علشان كدا انا بحاول احبها واحاول اتجنب الناس والعشوائية والعنهجيه اللي الناس فيها خصتاً ف اي مصلحه حكومية او مكان او شارع كلها عباره عن عشوائيات والناس بحس انها مستحيل تعيش بنظام ونضافه، بحس انهم حابين العشوائيه، بجد انا دورت كتير مش لاقي حاجه واحده تشفع لاني احب الحياه هنا، واللاوعي الابدي اللي اكتر من نص الشعب فيه واهتماهم باللاشيء زي الترندات اللي بتعمل قيمه للي ملوش قيمه وحاجه قمة العتهه بجد، اسف على الإطالة بس انا متأكد اني مش لوحدي كدا.

Chocolate_52272 🇪🇬 · Accepted Answer

لا هي فعلا ماتتحبش

Apple_75452 🇪🇬 · Answer

مظنش انك مصري

Olive_76077 🇪🇬 · Answer

حب الكل وابعد عن الكل

Potato_63928 🇪🇬 · Answer

أنا العكس تماما بحب مصر ا وتاريخها يكل عصورها بس بصراحه دلوقتي الشباب بقت حاجه تحزن فعلاً بدعي من ربنا أن المستقبل يكون افضل والفساد يختفي

Popcorn_68662 🇪🇬 · Answer

انت لو كنت سافرت بره مكنتيش هتقول كده لان اللي في مصر في كل العالم بس انت عشان مصري لو كنت يعني فا في فوكس علي الفكره لكن سافر اي بلك هتلاقي زي هنا و في اوسخ

Popcorn_74163 🇪🇬 · Answer

شوف كل بلد فيه الحلو والوحش ومصر زي مفيها الوحش فيها الحلو زي نفسه عشوائيات فيه قري جديده ومدن ابسط مثال واسهل مثل العاصمه الاداريه الجديدة  روح واشتغل مرتبات كويسه جيب سكن واسعي علي اكل عيشك لو معاك صنعه روح هناك ولو ممعكش روح واتعلم مش عيب تشتغل عامل تحت صنايعي بمرتب كويس وتتعلم منه طور نفسك وجرب وبيع واشتري عمرك ماهتخسر فيه بس خيارين للتجربه النجاح أو التعلم.  عن تجربه .

Tofu_75305 🇪🇬 · Answer

انا اتولدت برا و عشت برا فترة كبيرة و من ساعة ما جيت مصر و انا بتمنى من الله اني اخرج منها 
شفت الخير و العز ف اي بلد روحتها الا البلد دي 
ربنا يخرجنا منها على خير و يبعدنا عن فسادها

Marshmallow_75674 🇪🇬 · Answer

اتربيت بره مصر و احب اقولك اني بحاول ادور على اي حاجه ليها علاقه بالانتماء او حب الاصل كجنسيه بس مش لاقي و كل يوم بتاكد من كرهي للبلد دي اكتر و اكتر من الي بشوفه سواء من الناس او الظروف او الحال او حتى وصف. انزل فالشوارع بلد ميتعشش فيها و كلها خراب و كانها عايزه تتمسح من على وش الارض و تتنضف و الناس يتربوا من اول و جديد!

Sugar_33326 🇪🇬 · Answer

ازاي حد مبحبش بلده ده الغريب بيحبها مالكم اي ده

Potato_75298 🇪🇬 · Answer

دي بلد وسخه فشخ يارب نغور منها ع خير اي حد شايف انها كويس ف اكيد مولود اهلو بيسرفو عليه و عايش مستريح مش زي واحد بيشتغل من و هو في اعدادي و طلع عين اهلو الحمد الله ع كل حاجه في الاول و الاخر بس مافيش حاجه كويسه في البلد دي

Croissant_65335 🇪🇬 · Answer

مصري والله انا لو مش مصري هحاول احب مصر ليه

Croissant_65335 🇪🇬 · Answer

للأسف انا حزين جداً بجد حاولت بقدر الإمكان لكن الناس بتثبتلي العكس فكل مره حاولت اعمل فيها حاجه او انزل حتى اخرج اتنفس

Croissant_65335 🇪🇬 · Answer

بس اللي اكتشفته فعلاً ان النظام ماهو الا طيف امتداد الشعب يعني الفساد مننا وفينا والناس مش عايزه تفوق وتخرج من اللاوعي اللي هي فيه

Croissant_65335 🇪🇬 · Answer

كلامك جميل جداً

Croissant_65335 🇪🇬 · Answer

بتمنى بجد من كل الشباب انها تسعى وتسافر وربنا ينجيها علشان حتى يقدروا يحققوا اللي نفسهم فيه من معيشه كويسه ليهم ولأهلهم

Croissant_65335 🇪🇬 · Answer

هو دا اللي بقوله بجد انت لخصت الموضوع فعلاً

Croissant_65335 🇪🇬 · Answer

الكيمتي اللي هيفضل يقول كدا حتى وهو من جواه عارف انه غلط

Popcorn_74163 🇪🇬 · Answer

شكرا يا كرواسون يخويا ❤