قصتي مع طريق الشمال ورجوعي لربنا

Question

أنا مشكلتي بدأت من اول ما داخلت تالته إعدادي الترم التاني بالظبط بدأت اخش طريق مش طريقي كنت الاول شاطر و محترم ومش بفوت فرض ومن بعده ودخلت طريق شمال بدأت اعرف ناس بتوع مشاكل وشرب وبدات اكون زيهم وجه اخويا الكبير اكبر مني با سنه هو ابن عمي بس زي اخويا داخل قبلي في الحورات وبقا ليه سيط وسط الناس وبقيت اوسخ ودخلت مشاكل اكتر وبقيت بعور وبحب الدم بعد لما لو فرخه ادبحت قدامي اخاف وجت فتره رجعت لربنا و اصلي وبعد كل فرض اقرأ قران و أعيط وخايف وبعدها رجعت زي ما كنت عايز ارجع لنفسي بتاع زمان وانا في آخر سنه تعليم الي هيا تالته ثانوي ومش عارف اعمل ايه

Pistachio_42679 🇪🇬 · Accepted Answer

بص هقولك حاجتين يلخصو كل الكلام 
اولاً كل بني آدم خطّائ وخير الخطّائين التوابين
وثانياً ان التائب عن الذنب كمن لا ذنب له 
انت بتقول انك رجعت لربنا تاني ده كفايه ومهما حصل اوعا تبص وراك ابدا وبص لقدام صاحب ناس جديده واقطع علاقتك باللي كنت تعرفهم دول نهائي وعلفكره هتلاقي حد كده جاي يقولك انت نسيت انت مين وكنت بتعمل ايه متعملش علينا شيخ ف انت هترد عليه بالجملتين اللي انا قولتهم ف الاول دول

Sugar_28822 🇪🇬 · Answer

ارجع تانى لربناا. انسى انك تعرف ابن عمك دة نهاائى 
مهما عملت انت لسة قدامك باب للتوبة والرجوع لربنا ليه تقفل طريقك من السن دة 
ابعد عن كل اصحاابك اللى تعرفهم
وانزل مسجد واتعرف على ناس جديدة وكون صحبة صالحة تساعدة تبعد عن الطريق دة 
صدقنى معنى انك بتحس بذنب وبتعيط وخايف من ربما ان قلبك لسة حى وليه رابط مع ربنا 
ارجع تانى وتالت ورابع لحد مااا تستقيم 
حافظ على دراستك لان دة مستقبل انت محتاج تبنيه...

Sugar_28822 🇪🇬 · Answer

وربنا يهديك يارب ويوفقك ويبعدك عن كل ما يعصيه

Coconut_42918 🇪🇬 · Answer

اول حاجه ابعد عن اصدقاء السوء وابدء حياه جديده وافتكر أن ربنا بيغفر الذنوب كلها وباذن الله ذنبك يتغفر 
وأرجع صلي الفروض عشان الصلاه بتنهي علي الفحشاء والمنكر

Chilli_43122 🇪🇬 · Answer

شكرا

Sugar_28822 🇪🇬 · Answer

العفو

Apple_43208 🇪🇬 · Answer

مفيش شخص مبيغلطش خليك عارف ان كل الناس ملينا مشاكل خلي بالك انت الي محتاج لربنا اقرأ كتير عن عذاب النار كل نقطة دم انت ببتتكلم عنها دي عتتحاسب عليها خلي بالك انت عارف الصح فين كويس ولما بتمشي في طريق غلط مش بضر نفسك بس انت بتضر اهلك علي تربيتهم فكر في كل لحظه تعمل حاجه غلط انك تموت مهو كلنا عنموت روح درس قرأن ابعد عن صحابك في حاجه ديما بسمعها بتقول ارني صديقك اقل لك من انت بعد دي انت عرفت نفسك اوي

Chilli_43122 🇪🇬 · Answer

أنا والله ازهري والي بيحسسني بالذنب اكتر اني عارف عذاب كل حاجه وأنو ابويا ميسور الحال و اي مشكله بيدفع كتير عشان يطلعني ويما نصحني بس مش عارف

Chilli_43122 🇪🇬 · Answer

و ابن عمي ده والله هو الي بينصحني مع انو بياخد اي حد معاه في طريقو يقولي مش تعرف ده مش تكلم ده ابعد عن ده بسس مش عارف هو معايا ولا ضدي لما احتاجلو في حوار يكبر مني بلقيه اول واحد

Sugar_28822 🇪🇬 · Answer

امت مش صغير وتقدر تميز كويس لو كان بيقف معاك فى اى حاجه غلط وتبعدك عن ربنا فابعد عنه احسن 
مش تقطع معاه بس متمشيش فى طريقه بس

Toast_35837 🇪🇬 · Answer

حاول تبعد عنهم وحده وحده و ركز ف درستك و مستقبلك و حاول تقنع نفسك انك احسن م كدا بكتير انا كنت زيك برضو بس ع هيت بنت و بعدت عنها بفضل الله طبعاً ف انت حاول و صلي و ادعي انك تبعد و ترجع زيما كنت و أن شاء الله خير يعني

Chilli_43122 🇪🇬 · Answer

شكرا

Banana_38314 🇪🇬 · Answer

خير الخطائين التوابين

Banana_40028 🇪🇬 · Answer

انت لسة جواك حاجة حلوة 
ضميرك لسة صاحي ودي حاجة حلوة 
قرب من ربنا 
وابعد عن اي حاجة تخليك تعمل حاجات وحشة 
وطالما انت حاسس انك غلط ربنا هيتوب عليك وهتبقى شخص كويس 
ربنا يهديك ويهدينا جميعا