مشكلتي مع أبويا وأمي وعايزيني أبقى روبوت

Question

مش المشكله في أن هما يفهموني أو لأ. الفكره أن أبويا وأمي عايزيني أبقى روبوت وامشي على رغباتهم هم وأنا شخصيتي تبقى صفر. عايزيني أدخل كليه تجاره مش أي كليه تانيه ولما اتخرج ما اشتغلش في اي مكان غير في بنك، واتجوز بنت خالتي عشان عندها ارض وهتورث.  حصل إني قعدت فتره من غير شغل وكنت لما بكلمهم بيقولوا لي انت ما تتكلمش عن اي حاجه وما بتفهمش أي حاجه لانك لو كنت بتفهم كنت عرفت تشتغل تاني

Onion_64725 🇪🇬 · Accepted Answer

متلغيش شخصيتك

Blueberry_64580 🇪🇬 · Answer

هل انت كويس دلوقتي

Pineapple_62201 🇪🇬 · Answer

الحمد لله. والدتي توفت وابويا بعدها اتجوز ثاني ومش فاضلنا فبقى عندي مساحه اني اعرف اعمل اللي انا عايزه اللي هو طبعا مش عاجب ابويا برده. بس انا خلاص اقتنعت ان اي حاجه هعملها هو مش هيرضى بها فخلاص بقى اعمل اللي انا عايزه

Strawberry_65052 🇪🇬 · Answer

اقولك على حاجة.. خد صف اهلك تكسب

Pineapple_62201 🇪🇬 · Answer

بالعكس انا اخذت صفهم وخسرت كتير جدا.

Blueberry_64580 🇪🇬 · Answer

متقدرش تسيب البيت ؟

Blueberry_64580 🇪🇬 · Answer

ربنا يرحمها ويغفر لها ويسكنها فسيح جناته

Strawberry_65052 🇪🇬 · Answer

صدقني الحرب مع الاهل خسرانة.. طالما عايش معاهم.. الا اذا استقليت وبقا عشاك من عرقك.. ساعتها محدش هيبقالو حكم عليك.. بس دي محتاجه قلب قوي

Cherry_46314 🇪🇬 · Answer

ارضي والدك بدون ما تظلم نفسك حاول توفق عشان رضى الله من رضى الوالدين حتى لو كانوا مش احسن حاجة 
وانا بتكلم عن تجربة ارضيهم ربنا يرضيك وهييجي يوم تفارقهم لشغل او دراسة او زواج ساعتها هتبقى خرجت كسبان

Apple_63879 🇪🇬 · Answer

اهلك ثم اهلك ثم اهلك ، وان كلهم باعوك مش هينصفك غير ابوك ، نار الاهل احسن من الجنه بعيده عنهم ، وان ظهر ليك ان ده تسلط منهم او فرض راي ولكن في باطن الامر هو خوف عليك وحب ! اوعي تزعلهم ، ونصيحتي ليك نفذ كل طلباتهم بس بعيدا عن شغل البنك عشان حرام