ليه محدش بيتقدملي مع اني بنوتة كويسة؟

Question

عندى 27 سنه بنت جميله وعلى خلق بشهادة كل الناس ومتعلمه و بشتغل.. عمر ما حد اتقدملي، عمر ما ولد اعجب بيا او شافني ك حبيبه دايما بيشوفوني ك اخت والcomfort zone بتاعتهم و كاتمة اسرارهم و صاحبتهم الجدعه.. مش عارفه المشكله فين؟!! 
بدأت اصدق عن نفسي اني متحبش 
مشتاقه لوجود حد ف حياتي و ابني بيت وحياه مع شخص يحبني

Carrot_77224 🇪🇬 · Accepted Answer

حاولي متبقيش جدعه

Banana_60179 🇪🇬 · Answer

طب ما يمكن انتى اللى حضرتى نفسك ف الزون دى و مبتديش فرصه لحد يدخل حياتك بجد

Banana_60179 🇪🇬 · Answer

حشرتى*

Blueberry_77213 🇪🇬 · Answer

يمكن عشان بتحاولي تكوني ماما ليهم

Apple_59906 🇪🇬 · Answer

لو حبه نتكلم ابعتي خاص

Chocolate_77230 🇪🇬 · Answer

كلكوا قولتوا اللي انا بعمله فعلا... 
ابطل ابقى جدعه و ام ليهم ازاى؟ 🙂 لان التصرفات دي بتطلع مني تلقائية

Jackfruit_76596 🇪🇬 · Answer

شغلي عقلك قبل قلبك في كل المواضيع اكيد يعني مش هتبقي حاجه حلوه وانتي بتكلميي شباب كتير وشايفينك صديقه واخت بس !

Cherry_75525 🇪🇬 · Answer

خلي أي تعامل في اطار المكان وبس شغل يبقى العلاقة شغل وبس مش خروج بقا حتى لو كجروب وكلام جانبي وفضفضة
الراجل بيحب وجود الأنثى جمبه بس في الغالب دا بيحتاج مجهود فلوس وشقة وشبكة ومسؤلية اسرة
فبيهرب انه يتعامل مع الانثى ويشبع احتياجة النفسي وبدون ما يقدم المجهود دا عشان احنا حاست فريندس متخليش حد يستنزفك 
ادعي ربنا بالزوج الصالح وطلعي صدقة 
احنا في ليلة الجمعة صلي على الرسول كتير

Banana_69853 🇪🇬 · Answer

بقولك اي محدش هيفيدك بحاجه 
الفجر فاضل عليه نص ساعه ابقي صلي و ادعي ربنا يكرمك بالذريه الصالحه و الزوج الصالح لعل وعسى تستجاب لكي

Watermelon_64409 🇪🇬 · Answer

انتي 27 سنة يعني مش كبيرة 
بس في الاخر في حاجة اسمها نصيب

Biscuit_71546 🇪🇬 · Answer

لازم تتغيري من جواكي الاول علشان يظهر التغيير علي حالك

خليكي عارفه ان فيه قانون استحقاق في الدنيا..

ودا بيطبق علي شي
مثلا انتي استاذه وبتدي دروس بس مش بتاخدي اجر.. دايما الدنيا هترمي عليكي الطلاب اللي يستحقوا يدرسوا من غير دفع
فماتستنيش من شغلك فلوس

نفس القياس علي علاقاتك عاملتي نفسك معامله البنت السميعه المستباحه الفرند

فاستحقاقك بقي صداقه وكاتمه اسرار
علشان تستحقي عريس وعيشه هاديه اتغيري

Biscuit_71546 🇪🇬 · Answer

ليه حكمت ان محدش هيفيدها بحاجه .. 
انت كمان محتاج نصيحه تهدي اعصابك وتبطل الاحكام المسبقه
والريلز والفديوهات القصيره علشان بتاثر علي تفكيرنا وحياتنا

Kiwi_52622 🇪🇬 · Answer

اصلا ده معناه انك تتحبي

Banana_69853 🇪🇬 · Answer

انا اعصابي هاديه جدا 
المايك مع حضرتك

Mango_59012 🇪🇬 · Answer

متبقيش جدعة و طيبة و معطاءة في الأول زيادة عن اللزوم و متبادريش انتي في أي حاجه يعني حاولي تخليكي رد فعل مش فعل .. لأن The more I give you'd want me less

Biscuit_71546 🇪🇬 · Answer

مش بغني والله يا فنان ه 
لو متعود ه علي الرقص فمش كلها بتطبل

Banana_69853 🇪🇬 · Answer

منا مش هدخل معاك في ردح
اكتب بقا املاها حروف