السلام عليكم انا بنت عندي ٢٠ سنة مشكلتي غريبة شوية ، والحقيقة حاولت كتير جدا اغير من نفسي ولكن مش عارفه اعمل دا دخلت ريليشن من سنتين وكان ولد كويس وبيحبني بدرجة كبيرة جدا ، ودائما مستعد يعمل اي حاجة عشاني ودلوقتي انا في ريلاشن مع شخص جديد ، بيحبني نفس الحب ويمكن اكتر كمان مشكلتي هي اني دايما بحب اعمل خناقات من الفراغ، بدون اي سبب! ساعات بكلمه بقوله انا مش بحبك ومش عايزه اكمل معاك ، بدون اي سبب وهو معملش حاجة والكلام دا اتكرر مع الشخص الي قبله لدرجة اني بحب اوصل الشخص الي في ريلاشن معايا أنه يقعد يعيط ويتحايل عليا اني اكمل معاه الموضوع مضايقني جدا وحاسه اني مش سوية نفسيا ومش عارفه اتصرف ازاي و بقعد اضغط علي الشخص الي معايا في ريلاشن بطريقة صعبة جدا ، بديه الامان يختفي فجأة اعمل مشكلة زي ما قولت لدرجة يعيط وبعدين أقوله خلاص هسامحك، فيصدق أنه فعلا غلطان مش عارفه اعمل ايه وانصرف ازاي؟؟؟ انا حياتي عامة كويسة وعندي صحاب كتير بيحبوني واهلي بيحبوني كذلك وبحب نفسي و شكلي حلو واهلي ناس كويسين جدا ف مش عارفه المشكلة فين؟

4

0