السلام عليكم خاوتي انا مفهمتش واش ندير مع ماما باش تولي تحبني ، عييت والله دايمن تعاملني بقسوة و تكرهني فحياتي تحشمني قدام الناس و تحرقني دايمن ، مالڨري والله مادرتلها حاجة بالعكس دايمن معاها و نهتم ييها نحوس عليها و نراضيها نخدملها الشغل كامل تاع الدار كي تمرض دايمن نوقف معاها نطيبلها ، جبت الباك على جالها و جامي رجعتلها الهدرة ولا غلطت معاها بصح هي على حاجة ماكاش تبدا تعيط عليا كي نقوللها حاجة قدام الناس تحرقني في وجهي و تبدا تضحك عليا و جامي وقفت معايا مام كي نمرض نطيح فراش تقولي نوضي تاكلي وحدك و انا ناشي قادرة اصلا هاوتي يمرضو شوية تولي خايفة و تجري عليهم و تجيب و تحط ، ليوم عندها 3 ايام و هي مريضة ثاتلي علاه ماغسلتيش لماعن قلتلها ماما عييت من الشغل اومبعد نغسلهم كي نروح نطيب لعشا نخمل الكوزينة و نغسلهم بدات تعيط و تقولي ادا ماحبيتيش تخدمي طيري عليا و مانقصنيش همك ظارتلي حالة و انا غاضتني عمري و الله خدمت الشغل كامل وحدي نضت على 6 باش نوض خاوتي يقراو بحكم انا نقرا بالمراسلة عييت والله عييت و كرهت كيفاه نتعامل معاها بليز انصحوني حسيتها دمراني و انا مازلني صغيرة

0

1