عندي 25 عام و ما نقدرش نفتح قلب و نحب

Question

في عمري 25 و عندي مشكلة مالقيتلهاش بالمختصر ما نقدرش نفتح قلب و نحب بالرغم اني نقابل دايما ناس ملاح و جادين نلقى روحي ديما نحاول نكمل هداك التعارف بسرعة و نبطل هكدا نرتاح تعبني الموضوع بزاف و رحت لمختصة نفسية ولكن للاسف ما ساعدتنيش علابالي بلي المكتوب و كدا لكن نحس روحي نظلم الانسان لكنت معاه خصوصا لما نحاول انني نعمل مجهود و نتقرب شوي بعدها نسحب نحس روحي تلاعبت بيه و انا والله يشهد غير ما نيتي المهم لي عندها او عندو نصيحة او فات بهاد المرحلة يفيدني و شكرا

Blueberry_82455 🇩🇿 · Answer

عندي نفس مشكلتك بصح أنا نعرف علاه اولا ميكونش عندي ثقة في شخص ثاني و انه علاقة رح دوم فنفركت على أغلاط ليه و حتى لو كان شخص مليح خلاه مجرد تخمام انه اداكا العبد رح يحاول يتحكم فيا و في حياتي مستقبلا تنفرني منه

Peanut_82459 🇩🇿 · Answer

افضل نصيحة هيا انو متخممش بلي نتا لي سلبي دايما خمم بإيجابية ودير هذاك الموضوع   بطريقتك فل الحياة ومتخممش فيه خاش كل ما تضل تخمم فيه كل ما تزيد تعيا نفسيا وتزيد تتوسوس

Pineapple_81346 🇩🇿 · Answer

ختي هادا امر عادي لانو قلبك ما يقبلش يدير حاجة حرام نهار يجي يتقدملك واحد ويجي لداركم تما ايدا مقدرتيش تتعرفي عليه و تفتحيلو قلبك تما لي تقولي بلي راكي فمشكلة مي دوكا انا نقولك بلي راكي مليحة و كملي فيها هكا ما تمدي قلبك ما تفتحيه لحتى واحد فلحرام

Watermelon_81270 🇩🇿 · Answer

شوف ولا شوفي بالمختصر مراكش واجد تحب مراكش ملزم تسيف على روحك تحب و تدخل في علاقة مزالك صغير الله ايبارك و ربي يطول في عمرك خالط الناس كيما تحب و عرفهم و صادقهم مي خطيك من العلاقات هادو خير ما تظلم روحك قبل ما تضر الطرف الآخر ...و كي يكتبلك ربي تكون مع كاش بنادم راح تجيك ساهلة بدون حسابات

Orange_82448 🇩🇿 · Answer

انا تان نخاف من فكرة انو هدا الانسان راح يتحكم فيا و اني راح نضعف قدامو و تجيني افكار بلي لازم ما نحبش و ما نتعلقش بالناس باش ما نتجرحش كي شغل الية دفاعية

Orange_82448 🇩🇿 · Answer

شكرا على مرورك فقط حبيت نوهك بلي هدو تجارب كانو معا ناس اتقدمولي يعني جاو بنية زواج انا ضد فكرة الارتباط بدون تقدم

Orange_82448 🇩🇿 · Answer

شكرا صح كل ما نفكر في الموضوع تزيد الشكوك و الشعور بالذنب كل شي مكتوب الله

Orange_82448 🇩🇿 · Answer

شكرا جزاك الله خير

Pineapple_81346 🇩🇿 · Answer

يا اختي مالا ما لك الا الدعاء هو الحاجة الوحيدة لي تقدر تغيرلك هاد الصفة

Coffee_82512 🇩🇿 · Answer

سبحان الله نفس شعورك قالتولي طفلة سابقا كنا معارف فقط انا ماديتوش بمحمل الجد و كملت و بعدها بمدة اعترفتلها و قبلت بيا و مشينا مع بعض وصل وقت وين لازم نتقدملها لاهلها قاتلي زيد اصبر شويا نوجد روحي ثم اختفت بدون سابق انذار

Blueberry_82455 🇩🇿 · Answer

ايوا و الحق ادي مشكلة لازم نحلوها، هو صح ألية دفاع
لكن في نفس الوقت حنا رح نخسرو اكثر ما نكسبو