كنت من فترة أتعرفت على ولد من تطبيق تعارف و فعلا الولد كان محترم اوي و أزهري و بيدرس ماث و شاطر و ذكي جدا و بيحب الفلسفة و الثقافة و بيهتم بجسمه و بصحته و عضلاته و شكله و حياته و صلاته و دينه و أهله و دي كانت حادة بيرفكت بالنسبة ليا كنا صحاب عادي و بدأت اتشد له لحد ما اتقفلت منه بسبب كام حاجة أولا هو كان مرتبط مرتين بس في واحدة منهم مأثرة فيه اوي اوي عشان اتجرح منها و حصلت مشكلة في العائلتين بسببها و انا حسيت من كلامه لسة بيحبها لأن مرة وراني شات لهم و كان مشخبط على اسمها فا اتضايقت اوي من الحركة دي إنه خايف عليها مني و مش عايزني اعرف حاجة عنها و كمان مش بلاحظ لو زعلت او اختفيت او اتضايقت يعني طبعه غريب اوي و بيقولي انا فعلا من زمان كده و مش بلاحظ مشاعر الناس و مش إنسان عاطفي يا جماعة بحسه لسة غشيم في الدنيا و مش فاهم حاجة في التعامل مع الناس خصوصا مع البنات و مبيعرفش يمشي اموره زي الناس بس انا معظم تصرفاته و أفعاله مش مصدقاها عشان انا اتعاملت مع ناس كتير و شوفت الحياة شوية و عرفت اتعامل فا حاسة انه بيتخابث و بيحور خصوصا إنه قالي إحنا صحاب و بس و عامل البوم كامل لصوري و عيوني انا مش عبيطة برضو و كان عندي صحاب ولاد و محدش كان بيعمل كده معايا و عارفة الصحاب بيتعاملوا ازاي هو برج الجوزاء و انا مش لاقية تحليل لتصرفه فلو حد فاهم عمل كده لية يقولي

2

11