مشكلة حب حرام وقلق من المستقبل

Watermelon_65247 🇪🇬

منذ أسبوعين

شعور مكسور القلب

كنت منزل بوست إني اتعرفت على بنت وحبينا بعض وده كان أول مرة يحصل في حياتي بعدين بشوية قولتلها لازم نسيب بعض عشان العلاقة ما بينا حرام ومينفعش وأهلي وأهلك ميعرفوش اللي بينا و ده غلط وهي طبعا زعلت وقالتلي مش مسامحاك إنك علقتني بيك وكلام كتيير أنا كنت زعلان من جوايا إني هسيبها بس ده كان لازم وأخذت عهد إني بعد الجامعة هتقدملها إن شاء الله دلوقتي اكتشفت إنها اتعرفت على حد تاني و والحد ده سألته قلتله تعرفها وما بينكم كلام راح قالي آه والكلام ده وصلها فهي بعتتلي وقالتلي ملكش دعوة بيا وأنا كنت هموت نفسي بس الحد ده كلمني وفضفضت معاه واشتكيتله إنك بعتني فوضحتلها وجهة نظري تاني وقلتلها أنا لما أخلص جامعة هتقدم قالتلي ماشي وهستناك وقفلت أنا دلوقتي متضايق إنها ازاي تكلم حد وهي عارفة إني لسة بحبها وبقيت خايف لو حصلت اي مشكلة لما نتجوز تروح تكلم شباب تشتكيلهم فيه رأيكم ولا أنا مأفور الموضوع

حيرة قلبي بين بنت خالي وخيانة الصاحب

و انا في أولي ثانوي جات بنت خالي البلد عندنا عشان تدرس و هيا اصغر مني بسنه يعني تالته اعدادي و ابتدينا نتكلم و كنت بتكلم معها في وجود واحد كان ساعتها صحبي و لما حس أن انا ابتديت احبها و اتعلق بوجودها قالي أنها مستحيل تحبك ف زعلت شويه بس كان في تواصل برضو و كان صحبي دا تليفوني هو تليفونه و العكس و كان عامل بصمه و انا كنت اعرف انه عاملها اتاريه حب بنت خالي دي و كان عاوز يبعدها عندي و انا ابعد عنها ف فضل يشككني فيها و الكلام دا و قالي تعالي نشوف هل هيا بتكلم ولاد و لا لا فعشان انا مكنش معايا رقم تاني ف خاد الرقم عشان نبقي نشوف و لو بتقولي انت ازاي تعمل كده هقولك هو كان ماسح مخي بجد ف خاد الرقم و دخل يكلمها و فضل فتره لحد ما اكتشفت الموضوع و عائلتي اكتشفته و ساعتها ضحك عليا برضو و حسسني أن هو مظلوم فسامحته و مسامحتش بنت خالي و عارف أن انت هتقول أن انا اهبل و عبيط و انا بعترف أن انا كنت كده فعلا و معنتش بكلم بنت خالي لحد ما اتصالحنا بعدها بسنه و 5 شهور علي حد ما هي بتقول و صحبي دا فضل يضحك عليا و يحسسني أنه غلبان و كنت بديله فلوس و كمان مكفهوش الي عمله دا نصب عليا في فلوس كمان و الصراحه انا دلوقتي بكره الشخص دا و نرجع لبنت خالي طول السنه و 5 شهور دول كنت بحاول اقرب تاني بس ساعتها هي الي كانت رافضه عشان كانت مدايقه أن انا مسمعتهاش خالص بس و لما لقيتها رافضه سبتها لراحتها و جه يوم عيد ميلادي و كنت منزل استوري لقيتها دخلت و باركتلي لعيد ميلادي بس المشكله مش هنا المشكله ان انا حبي الي أدفن ساعتها رجع تاني بس بقوه اكتر و رجعنا نتكلم تاني و اكتر من الاول كمان و أنا يكلمها بحس في أوقات أنها تبادلني نفس الشعور و شويه تانيه لا يعني باجي اقولها أن احنا لما نكبر معناش هنشوف بعض و لا هنتكلم فترد عليا و تقولي صدقني هنشوف بعض كتير اوي و مش هنسيب بعض ف دا مش هيحصل غير لما نتجوز و هكذا و جيت في يوم اعترفتلها بحبي بس بطريقه اعرف اخرج منها و اخليها أن هيا الي فهمت الموضوع غلط بس قالتلي أن احنا اخوات بس الموضوع دا قبل الكلام بتاع احنا مش هنسيب بعض و كمان هي كانت مش حابه لما كلمت بنت قريبتي و هزرت معاها و كانت بتسال علي يوم ما بنتخانق من حد يعرفني و قريب مني ف هل هيا بجد بتحبني و لا لا هل اعترفلها و خلاص بس انا مش عاوز اعترفلها عشان منسبش بعض و انا بدعي ربنا أنه يجعلها من نصيبي و نصيحه و الموضوع دا شاغل دماغي و انا شخص في تالته ثانوي و امتحاناتي قربت فنصيحه حلوه كده ...عرض المزيد

0 الدعم

4 نصيحة