مساء الخير، أنا عندي مشكلة ومش عايزة حد يقولي "حرام" أو "اتقي الله" لأني عارفة الكلام ده كويس، وده أصلًا جزء من اللي مضايقني. الموضوع إن فيه شخصين في حياتي دلوقتي: الأول هو الشخص اللي بحبه جدًا، وهو شايفني مناسبة ليه وبيحبني برضه، بس مش بنفس القدر اللي أنا بحبه بيه. هو أول حب في حياتي، وكل التفاصيل العاطفية دي كانت لأول مرة معاه. ما حصلش بينا تجاوزات كبيرة، بس كان في حاجات بسيطة زي إنه يمسك إيدي أو يحط إيده على كتفي، يعني حدود العلاقة كانت كده. حصلت بينا مشاكل كتير واتغير معايا، وبعدنا ورجعنا أكتر من مرة واحنا رجعنا دلوقتي و مع بعض بس هو نفس البرود و نفس قلة الكلام و المشاكل بس مش زي الاول بقا اهدى شويه في الوقت ده ظهر شخص تاني، بيحبني جدًا وعايزني بجد، وعارف كل حاجة كانت بيني وبين الأولاني، ومتقبلها تمامًا. هو راجل ومحترم، بس ما اعترفليش بحبه بشكل مباشر، كله تلميح. أنا كنت بستلطِفه، لكن بطلت أكلمه زي الأول، وبقيت العلاقة بينا مقتصرة على الشغل اللي بيجمعنا. دلوقتي أنا مش عارفة أعمل إيه: هل أكمل مع الشخص اللي بحبه وأتقبل تصرفاته عشان اللي بينا والمشاعر القديمة؟ ولا أدي فرصة للتاني اللي بيحبني بصدق ومتقبل الماضي، رغم إن قلبي مش معاه ومش عايزة أظلمه و مش عارفه اتقبل اكون في حضن راجل تاني أنا حاسة إن أفكاري متلخبطة ومش قادرة أحدد أنا فعلاً عايزة إيه أو المفروض أتصرف إزاي.

0

6