السلام عليكم جماعة انا هحكيلكم علي حاجة بس بالله عليكم قولولي المفروض اعمل ايه انا بعد ما خلصت الثانوية اهلي قالولي ادخل جامعة خاصة وعادي يعني احنا حالتنا المادية كويسة الحمد لله بس في واحد صاحبي الله يسامحه قالي ادخل معهد بدل المصاريف الزيادة وكله زي بعضه في الآخر فانا كنت اصلا طالع من الثانوية متدمر نفسيا بجد فا مشيت ورا كلامه ودخلت معهد عالي اربع سنين بس دخلت لقيت ناس تانيين مش المفروض اكون معاهم وحسيت بالفرق فعلا بين المعهد والجامعة فاول تيرم شيلت مادتين وانا اصلا نفسيتي تعبانة من المعهد ومن اللي فيه فقررت اني هحول بس معرفتش احول اول سنة لان التحويل كان قفل وكذالك النظام في السنة التانية والسنتين دول عدو عليا كانهم 5 سنين والله وكان تيرم اشيل مادة وايرم اشيل مادتين وكنت بدخل كل سمر بفلوسي انا والله ومحدش من اهلي كان يعرف اني اصلا شيلت او لا وانا اصلا الصراحة مكنتش بلومهم علي اي حاجة لانهم هما خيروني في الاول وكنت اي قرارر باخده كانو بيدعموني فيه فا المهم بعد ما السنتين دول خلصو وانا خلاص جيبت آخري وقررت اني حتي لو حصل ايه هحول خلاص بكل الطرق حتي كان كل سنة المعهد كان يقولي مفيش بيان درجات دلوقتي ومش عارف ايه علشان ميخلونيش احول بس في السنة دي انا عاندت قصادهم وقولتلهم هبلغ عنكم وزارة التعليم العالي لان ده حقي وفي الآخر حولت لجامعة خاصة بس معادلوليش إلا 5 مواد من السنتين اللي انا درستهم في المعهد وانا خلصت السنة الاولي والحمد الله كانت نفسيتي حلوة وجبت تقدير كويس بس المشكلة ان انا معرفتش حد من اهلي اني انا حولت من الاساس وبدفع مصاريف الجامعة الزيادة من فلوسي اناا بس المشكلة اللي جات ونفسيتي متدمرة حالياً بسببها هوا اني المفروض اتخرج من المعهد السنادي ده اللي اهلي فاهمينو لانهم ميعرفوش ان انا حولت من المعهد لجامعة من سنة فاتت وميعرفوش ان انا نزلت سنة ونصف فانا حالياا مش عارف اعمل ايه يا ريت تفيدوني وآسف على الاطالة

0

4