الموضوع طويل شوية بس اتمنى تقرأوه للآخر🥺 نفسي بجد اعرف ايه مشكلة المجتمع مع البنت المهندسة يعني انا الحمد لله كل اللي يعرفني واللي حتى ميعرفنيش واتعامل معايا بيقولوا إن شكلي حلو ولبسي مُرتب رغم إنه واسع وبلبس طرح طويلة والحمد لله بشهادة كل اللي حوليّ اني على خُلق واهلي تعبانين في تربيتي ... أنا حاليا في رابعة هندسة وبجد من ساعة ما دخلت الكلية وتقريبا محدش بيتقدم لي وحتى لما واحدة من اصحابي تدل ناس عايزين يخطبوا لابنهم عليّ وتوريد لهم صورتي وتتكلم عني ويعرفوا اهلي يقولوا اني كويسة جدااا بس مشكلتي" اني مهندسة" مش عارفة ليه بجد التفكير ده والمشكلة اني بقيت اشوف فعلا نماذج كتير حوليّ مهندسات متخرجين وكبروا وعدوا التلاتين وما ارتبطوش خالص برده بسبب أنهم مهندسات واللي بتتخطب وتتجوز بقا بتكون اخدة من الكلية وانا صراحة مش من النوع ده ولا مبادئي ولا ديني يسمحوا لي اني اقعد ألاغي ف ولد عشان يشوفني واحاول اعلقه بيّ لحد ما أجبره ييجي يتقدم ،بجد لما حتى الفكرة بتيجي ف بالي بحس اني نزلت ف نظر نفسي اني فكرت ف الفكرة حتى ... أنا معنتش فاهمة حاجة بجد ومش عارفة ليه الناس كده بجد ملحوظة: أنا مش من البنات اللي مع المساواة بين الرجل والمرأة والهبل ده وشايفة إن لو الست حسن إن شغلها اثّر ع بيتها وزوجها وتربية اولادها فواجب عليها تقعد من الشغل لان ده اللي هتتسأل عنه قدام ربنا مش الشغل اكيد...بس للاسف مفيش حد بيحاول حتى ييجي يعرف إن ده تفكيري حتى💔

7

21