انا عندي مشكله من وانا صغيره معنديش صحاب كلها علاقات سطحيه وقليله حتى لو كان عندي صحاب قريبين مني بخسرهم برضو بدون سبب المشكله مش هنا دلوقتي المشكله الوقتي اني بقى عندي دايما وسواس ان الشخص اللي بتعرف عليه هيسيبني و لما بقول او اعمل حاجه بتلقائيه بفضل افكر واجلد في ذاتي انه اكيد الشخص ده هيسيبني وشايفني رغايه او عبيطه دلوقتي انا دخلت جامعه الحمدلله لسه في سنه اولى اتعرفت على كذا بنت منهم بنات مليش كلام معاهم غير انهم بس طول الوقت عايزني ابعتلهم حل كويزات واسايمنتات او اسجلهم في بحوثات وغيره وفي واحده بمشي معاها وهي بقت قريبه مني في فتره قصيره خالص بس احنا كان عندنا اختبار تحديد مستوى ف هي طلعت معيطه من الاختبار جايبه درجه مش احسن حاجه وانا جبت الحمدلله درجه احسن يعني ف لما لقيتها زعلانه وبتعيط مقولتلهاش درجتي ولا فرحت وركزت على اني اواسيها بس بعدين لما هدت شويه سألتني عن درجتي وانا والله بكل عفويه قولتلها يعني مش قصدي اني اضايقها ولا حاجه المهم هي وقتها باركتلي وكدا بس فعلا حسيتها اتغيرت عليا ف هل انا غلطانه في حاجه؟ لان والله من امبارح مش مبطله تفكير في الموضوع وحاسه انها زعلت مني ومش عارفه اكلمها اقولها ايه ولا ممكن اكون انا اللي مكبره الموضوع ولا ايه بالظبط🙁💔

6

1