عندي مشكله اني مش بعرف اعبر عن حزني، لو زعلت بطلع الزعل في عصبيه، يا اخد جنب من الكل، يعني لو حد من اخواتي زعلني مش بكلم الباقي ولا حتى ماما وبابا. ومش بحب حد يشوف ضعفي عشان كدا مش بتكلم ولا بشتكي لاني عارفه لو اتكلمت هعيط على طول وممكن انهار حتى لو كنت فين ومع مين و بيصعب عليا نفسي اوي. المشكله اني لما بحتاج اطلع الحزن اللي جوايا وانا لوحدي مبعرفش، عيوني بتدمع بس ولا بعرف اعيط ولا اصوت ولا حتى اخد نفس، وببقى هاديه بس حاسه براسي ووشي هينفجرو من الكتمه وعايزين ينفجرو بس مش عارفه. ولما بعرف اعيط بعيط من غير صوت بلاقي حد دخل عليا وزي ما قولت مبحبش حد يشوف ضعفي، فبتصرف عادي وبحاول اتكلم عادي بس بتكلم بعصبيه برضو، وكمان وشي مش بيبان عليه اي اثار للعياط فبيبان طبيعي عادي. المشكله اني بعمم، وماما بتزعل مني، فمبكونش عارفه اعمل اي.....

1

6