أنا عايشة في عالم تاني.. حد يفهمني؟

Question

حد بيمر بمشكلة انه خالق جو وعالم وعايش فيه يعني انا مثلا بتخيل نفسي مغنية وممثله مسهورة في العالم كله والناس تحبني ومش فيا غلطه وبفضل اتخيل حياتي كده وكل ما اشوف مسلسل او فيلم اتخيل نفسي الممثله اللي تمثله او لو اغنية اتخيل اني بغنيها والناس مبهورة بيها رغم انه الواقع أنا ضد الأفكار دي حد يعرف ايه ده واغيره ازاي،، ،اه كمان مبعرفش انام بالليل الا بعد ما اتخيل حياتي مع راجل في المستقبل واوقات حتي بتخانق معاه لدرجه اعيط بجد بتخيل انه خاني مثلا!! مبعرفش انام غير كده

Coconut_32160 🇧🇭 · Accepted Answer

والله هو التخيل في حد ذاته مش وحش بس الخوف انه يقلب معاكي للتعود والتقمص حتي لما تكبري وتتجوزي مثلا هيكون صعب تتخيلي كده وانتي معاكي جوزك .. يعني حاولي ان الموضوع يكون مش اكتر من جو انتي عملاه لنفسك لفترة معينه علشان تهربي من الواقع .. بس اهم حاجه مايكونش هيأثر عليكي بعد كده

Strawberry_32117 🇪🇬 · Answer

بتحصل😂

Lemon_32050 🇪🇬 · Answer

انا فعلا بقيت اخاف انه ملاقيش اللي مستنياه كل ليلة بعدين انا علاقاتي مع الذكور عموما محدوده ومعتقدش ممكن في يزم اتجوز واحد عن حب ويكون بيحبني بجد وغالبا هترسي علي صالونات وانا مش عندي مشكلة انا كل مشكلتي يكون الشخص ده مش تخيلاتي يطلع مجرد شخص عاوز زوجه ينام معاها وتعمله اكل وخلاص

Lemon_32050 🇪🇬 · Answer

لو تحصلك، حلها ايه او تتعاملي معاها ازاي

Strawberry_32117 🇪🇬 · Answer

بشغل نفسي وحلاص

Coconut_32160 🇧🇭 · Answer

بصي هو جواز الصالونات مش وحش بس اهم حاجه يكون فعلا الشخص بيحبك بس صدقيني موضوع التخيلات والجو اللي عايشاه ده كتره مش حلو .. الخوف من الصدمه انك تتخيلي مستقبلك مع شخص وتعيشي الجو ده معاه في الحلم وفي الحقيقه يكون غير كده ويطلع زي ما قولتي انه عاوز وحده يتجوزها للأكل والنوم بس

Lemon_32050 🇪🇬 · Answer

ازاي ،، انا حرفيا ممكن اوقف حياتي المشغولة علشان اتخيل الخيالات دي انا بدرس طب اسنان بيكون مطلوب مني اذاكر كتير اوي واتدرب اكتر ممكن اسيب كل ده واقعد اتخيل نفسي في كواليس مسلسل مثلا وهما ينادوني علشان امثل

Strawberry_32117 🇪🇬 · Answer

لا لما تحسي هاتسرحي استغفري وانشغلي ف حاجه

Tomato_30792 🇪🇬 · Answer

بصي هو التخيل حاجه حلوه اوي اوي كمان هيفيدك ف المستقبل لو عرفتي تتحكمي فيه وبصي مع الوقت انتي بتعرفي لوحدك ازاي تتحكمي في والله

Cherry_32240 🇪🇬 · Answer

ف علم النفس دا مرض نفسي روحي لدكتور يساعدك كلنا بنتخيل بس مش بالدرجة دي

Lemon_31096 🇪🇬 · Answer

الاسم العلمي ليها احلام اليقظة
بصي علميا هي مش غلط خالص بالعكس دي بتساعد على تحسين النفسية وانك بتساعدي نفسك تخرجي من حاجه حواليكي ممكن تسببلك ضيق 
ولكن ولكن لازم تستغليها صح زي انك تحفزي نفسك عايزة ابقى زي اللي في خيالي فلازم اشتغل على نفسي اكثر او بعالج نفسي بنفسي من مشاكل نفسية بس بحدود
لو لقيتي ان الموضوع زياده عن اللازم او بيسبب تشتت وتضييع وقت خصوصا فترة النهار فكده هنحتاج لحد يساعدنا

Lemon_31096 🇪🇬 · Answer

مش الشرط المساعده تكون من دكتور ممكن حد قريب منك او انك تبدأي تشغلي نفسك

Strawberry_29159 🇮🇹 · Answer

انتي بتشتغلي نفسك

Lemon_32050 🇪🇬 · Answer

عموما عندك حق علشان كده عايزة احل الموضوع

Lemon_32050 🇪🇬 · Answer

لو مكسوفه اقول لحد علي كده بخاف من ال judgment

Lemon_31096 🇪🇬 · Answer

يبقى نحاول نقلل من الموضوع بنفسنا محتاجه بس شدة على نفسك وهتبقي زي الفل