مش عارفه ابد منين بس انا ف وضع رخم وحياه ارخم متجوزه من 4 شهور تقريبا مش مرتاحه ف بيتي ولا مبسوطه ولا عارفه اخد راحتي حتي بسبب بيت العيله وكمان انا متجوزه ع أساس اني معزولة بس حماتي لما تصدق غلطه عليا عشان تسخن ابنها عليا بنزل كل يوم لو يوم منزلتش تحصل مشكله ليه وليه منزلتش قاعده ساعه او تلاته زي بالظبط الخمس دقائق عندها مش عاجبين والا هيعجب حتي لو اليوم كلها اكون قاعده واطلع قبل ماعد جوزي بس ساعه ونص عشان اخلص شقتي من كل حاجه تروح تعمل عصيرا مثلا وجوزي لما يجي تقوله خد ده معاك استنيت مراتك تنزل و منزلتش 🙂 تقولي اصل انتي مجموعك ضعيف عشان كده دخلتي كليه أدب في حين اخر ابنها جاب مجموع ميدخلش بيه خدمه اجتماعيه اصلا وبنتها نفس النظم رحت قولتها انا مجموعي اه وضحتك ف وشها وسكت انزل العصر عشان بكون نايمه وحامل وبنام كتير..تقولي كل ده نوم عايزكي تنامي وتصحي وتنزلي بدري ..انا حاسه اني مش عارفه اعيش حياتي بالطريقه الي حابها حتي لو غلط كل واحد حر وانا والله بعرف اطبخ اي حاجه ونفسي حلو اعمل اكل مثلا تحت تطلع فيها اي حاجه في حين اخر كل بيشكر ف اكلي اجي انزل اكتشف انها بتطبخ بنفس طريقتي الي مش عاجبها او تلات شهور طبعاً كلهم تعب تطلع تصحني انزلي اعملي معايا الاكل اقولها ولله عايزه انام مش قادره تزعل وتتقمص وتروح تقول ل ابنها انا مبقتش عارفه اتعامل مع مراتك ازاي دي مش بتعمل معايا حاجه في حين اخر انا يا بكون نايمه او تعبانه ومهمده مش اقف ع رجلي او دايخه وباكل اي حاجه لان ماليش نفس بنزل طول الاسبوع والله جت ع يوم منزلتش فضلت نايمه وصحيت كلت وخلصت الي ورايا جت ساعه 9 بليل كده قولت خلاص انزل بكرا زعلت وانها مش حابه وجودي ف البيت اصلا مره انزل الضهر او العصر ع حسب يعني تقولي غربيه اي الي نزلك دلوقتي بقولها عشان جيت من عند الدكتور ونمت ومنزلتش اقعد معاكي تقولي بردو اصلك مبتنزليش دلوقتي. مش عارفه افهمها إزاي والله تقعد تلقح عليا بكلام اني مش بعمل حاجه وانها عندها بنتها اصلا لا عايزه تتدلع ع عليا وتقولي عايزكي تخدني علينا عشان اسيب البيت ليكي وتعملي انتي كل حاجه واجبلك الحاجات الطبيخ وتمسكي انتي المطبخ بقول حاضر و بعمل نفسي عبيطه انزل رز بلبن تقولي ده شبه ترجيع الاطفال عشان مش بحط كليو رز ع نص كليو لبن بطلت اعمل حاجه وانزل عشان طريقه هتجبلي جلطه ولله تقولي انا مش عارفه بتاكلي ابني ايه قولتها بأكله اللي بيطلب مني متقليش تقولي ولله بكون عايزه ادني عليه عشان ياكل من ايدي ضحكت ف وشها ومردتش مبحبش انزل تحت عشان طريقه كلام تشل تشل بجد بتحاول تخلني ارد عشان تمسك عليا اي حاجه وهي مش عارفه وانا طاقتي خلصت وربنا انا نزله بكرا وعارفه واثقه انها هتقولي كلام يضايق خايفه ارد ده حصل اكتر من كده ابسط مثال ممنوع انا جوزي نقعد لوحدنا لو قاعدنا تقول اه م احنا ريحتنا وحشه عشان كده مش عايزين تنزلوا هنا انا سيبكم براحتك تقول سوا يلا معلش بقي النور قطع نازلين عشان خايفين تقعدوا لوحدكم غير كده مكنش حد منكم نزل انا بتأخر ف طبخ فراخ بط اي طيور عشان بقرف من الريش و ريحه ده لو كان محشي كان خلص من بدري مأخره الاكل علينا وهم م شآء الله ف نضافه الاكل مفيش معدومه ربنا يخلي بنتي شايله عني كتير كل لما انزل تمسعني الكلام ده زي اتحرج انا مثلاً بس هو مش من حقوقك عليا ولله مرات ابني مش مرتاحه مش بتنزل تخدمنا خالص زي ما يكون ما صدقت ابنها اتجوز عشان يكون عندها خدامه اعمل اي بكرا عشان انا طاقتي صفر وناويه ارد عليها و الي يحصل يحصل

1

14