انا بمر بأسوء فترات حياتى حاليا وبجد مش لاقيه حل خالص للمشاكل اللى احنا فيها ….والدى للاسف السبب فى معظم مشاكلنا وفى ايده حل بس مضيقها علينا خالص…والدى طول عمره مقصر معايا انا واخواتى فى المصاريف والدتى هى اللى بتصرف علينا ورثها من عيلتها كله رايح على مصاريف البيت والدى لو صرف جنية فى البيت والدتى بتصرف قصاده عشرة هى اللى متكلفه بمصاريف كل حاجة على الرغم انه مرتاح ماديا ومعاه وكمان جدى متوفى من سنتين ولينا حق ميراث مش راضى يخلص موضوع الورث مع اخواته على الرغم انه هو الكبير وفى ايده يخلص بس موقف الدنيا وده مأثر علينا مخلينا كل شويه فى مشاكل وخناق ومش عارفين نشوف حياتنا عمى وعماتى عايشين حياتهم ومبسوطين الا احنا مضيق علينا الدنيا انا واخويا على وش جواز ومش راضى يساعد اخويا انه يشتغل اخويا كل ما تيجى قدامه فرصة سفر يطلب فلوس من والدى مش بيرضى يدفعله واخويا قاعد ولا معاه اساسا يجهز نفسه وانا بيرفض العرسان علشان مش عايز يدفع ليا فلوس جهازى وكنا معتمدين ان والدنا لما نكبر ونكون عايزين نتجوز هيقف جنبنا وهيساعدنا بس للاسف. اخويا كل شويه يكلم والدى ويتخانق معاه انه يقف جنبنا ويدفعلنا بس مفيش فايده وحتى عماتى ادخلوا وخالى وكلموا والدى مفيش فايده بردوا عايشين فى المشاكل دى بقالنا سنين . اخويا اليومين دول زهق وجاب آخره خالص من والدى ومبقاش حابه خالص ومش ناويها على خير معاه بصراحه اخويا مضغوط جدا واتظلم كتير من والدى لانه قصر معاه فى كل حاجه حتى التيلفون كان والدى يرفض يجيبه لاخويا وكان اخويا بيشتغل ويجيب لنفسه . على عكس ولاد عمى وعماتى عايشن مبسوطين ودخلوا جامعات خاصه و اتجوزوا واتصرف عليهم من اهاليهم ماعدا احنا والدى مقصر معانا فى المصاريف جدا وهو معاه انه يبسطنا ويعيشنا كويس . فبجد نفسيتى تعبت جدا من كتر المشاكل اللى بنمر بيها بسبب والدى وزعلانه علشان اخويا جدا ومش عارفه اعمل ايه.

4

6