مشاكل في الخطوبه ومش عارف اعمل ايه

Mango_70785 🇪🇬

منذ أسبوعين

شعور عاطفي

السلام عليكم انا عندي ٢٥ سنه ومخلص بكالوريوس وشغال ف مجالي وان شاء الله كلها ايام وهكون بره مصر والصراحه نفسي الاقي واحده كويسه واخطبها لكن للأسف بتواجهني كتير مشاكل ف الموضوع ده ان ياما بعد فتره اكتشف حاجات كتير عكس اختياراتي ياما بحس انها بتتسلي وغيره كتير وصراحه مش عارف اعمل اي... بعدين عن موضوع صالونات او جواز عن حب وعلاقه انا بس كمبدا نفسه ان بكتشف دا مع اي حد بيحبطني

خايفه من فضيحة صور قديمه.. يارب تسترني!

زمان وانا عندي ١٥ سنه تقريبا كنت مرتبطه بواحد مش من بلدي بس ايامها انا كنت لوحدى بمعني الكلمه اهلي مكنوش قريبين مني خالص وانا مكنتش اعرف يعني اي حب ولا فاهمه حاجه غير لما اتعرفت ع الشخص دا من ع الفيسبوك اتكلمنا وقربنا من بعض وحبيته واتعلقت بيه بطريقه صعبه المهم كان جه بلدي كذا مره واتقابلنا وحصل تجاوزات بينا يعني كان باسني وحضني وصور دا وكان لينا صور مع بعض عاديه وكان دايما يكلمني فيديو ويخليني اصورله فيديوهات اقولها فيها اني بحبه او فيديو اهنيه بعيد ميلاده وحاجات من دي وفيديوهات تانيه انا كنت والله صغيره وكنت مش فاهمه حاجه ومن كتر منا بحبه كنت بوافق علي اللي عايزه ولما كنت ارفض واقول لا ومينفعش كان يزعل ويعمل حاجات تخليني اوافق ع اللي هو عايزه المهم ان اهلي عرفو واخويا عرف واتعاقبت ع دا وانا بعدت عنه والله ومعتش كلمته تاني انهارده انا عندي ٢١ سنه ومخطوبه من خمس شهور لواحد بيحبني وشاريني الشخص اللي حكيتلكو عنه دا وصل لصحبتي وبعتلها صورتين من بتوعنا وقالها انه هيوصل لخطيبي ويقولو اني اخصه لو سابني وبعد عني تمام مسبنيش هيبعتلو مل صورنا وكل الحاجات اللي معاه وقالها ان كل حاجه عنده مربوطه بالجميل بتاعه يعني مفيش اي حاجه اتمسحت انا كلمت خطيبي وحكيتله ومن فضل ربنا عليا انا قبل مااتخطب حكيتله اني كنت مرتبطه قبل كدا بس محكتش تفاصيل اكيد مش هفضح نفسي لسخص هبدأ معاه حياه جديده المهم اني كلمته وقولتله اللي حصل كله وفهمته كل حاجه قالي متخفيش ومش هسيبك وخليه يوصلي وشوفي هعملك اي قولتله لو عايز تسيبني مش هلومك ولا هعمل حاجه بس هو قالي انا مش هسيبك ولا ف حاجه هتبعدني عنك بس هو لسه ميعرفش بردو الموضوع كله يعني انه حصل تجاوزات وان في صور مش كويسه ميعرفش لسه دا وانا قلبي واجعني وخايفه ومش عارفه افكر ولا اعمل اي مش ع لساني غير يارب استرني ومتفضحنيش انا عرفت غلطي ومن زمان بعدت يارب استرني لو حد عنده حل بالله عليكو يفيدني وادعولي ربنا يسترني ويعديها ع خير ...عرض المزيد

0 الدعم

مشكلتي لما بقول عايزه اتجوز صلونات وحد بيتخانق معايا!

انا لما بقول اني عايزه اتجوز صلونات دي فيها مشكله انا لما اقول لصاحبتي بتتخانق معايا لدرجه اني بقيت مبحبش اقول لحد كده اصل انا معنديش حوار الحب والارتباط ورا الاهل هي تقولي لأ لازم تتعرفو الاول وانا اقولها طب ما الخطوبه دي معموله علشان نتعرف ترفض وتقعد تبرر مبررات انا مش فاهماها هل فيها مشكله لما اقول ان اللي هيطلب ايدي يكون اول كلام بينا يكون وبابا عارف وسايبنا اللي هي الشوفه الشرعيه دي انا مبقتش فاهماها وللامانه انا اتهزيت من كلامها وحسستني اني غلط بس انا معتقدش انها صح ...عرض المزيد

2 الدعم

8 نصيحة

مش عارفه اعمل ايه مع اللي بيقول معنديش شخصيه

جماعه انا اتقدملي واحد صالونات تمام من تلات اسابيع المهم قولنا نتكلم بدون خطوبه او قرايه فاتحه لو تمام نعمل حاجه لو مش تمام كل واحد يروح في حاله انا ارتاحتاه هو نفس الموضوع المهم المفروض ان اجازته يوم الاحد فا احنا في التلات اسابيع دول كل الاحد بنخرج مع بعض جنب البيت بس بحيث ان اعرفه اكتر المهم الاحد الي فات اتكلمنا الصبح وهزرنا وكدا وكنا متفقين ان هنخرج بليل فا من يوم الاحد الي فات لحد انهرده هو مبيكلمنيش وارن عليه مش بيرد انا مش فاهمه ليه المهم عرفت انه قلقان ان معنديش شخصيه وان معنديش راي وهو خايف من الحته دي فا الي عرفته كمان ان قال لي اخته انها بنت محترمه و طيبه وقال كل الصيفات الحلوه بس العيب الي قالو ان معنديش شخصيه واي حاجه بياخد راي فيها بقوله عادي اي حاجه فا المهم انا مش كدا عموما كل الي حواليا قالو ان مشافش مني حاجه علشان يقول كدا فا انا دلوقتي عايزه ادخل اعتبه ان مكلميش وفي نفس الوقت مش عايزه واحد بيفكر بطريقه دي ملحوظة انا اعجبت بيه فا مش عارفه اعمل اي اسيبه وانهي الحوار ولا اعتبه ...عرض المزيد

2 الدعم

6 نصيحة