انا اقصى مشاكلي مع امي ... هي تعصبني جدا وانا ما اتحمل ... ما اعرف شنو المشكلة بالضبط وليش دائماً احس بعصبية تجاهها اعرف انه عقوق لكن ما اكدر اعالجه واحسن من نفسي ..ابدا مو صبورة اني لذلك ما اكدر ابقى ساكتة وحتى بدون المشاكل او اي شي فجأة الگه نفسي عصبية تجاهها جدا واسمعها كلام قاسي بشكل حتى طريقة معاملتي الها صعبة ... ما ادري اذا كانت المشكلة بسبب بعدي الشديد عنها سكنت اقسام داخلية خمس سنين وما اشوفها يعني تمر اكثر من سنة ونصف واني ما اشوفها .. واتصالات جدا قليلة بيننا لذلك تأقلمت اكون وحدي دائما بعد ما خلصت احس ما اكدر اتأقلم عليها وعلى وجودي بينهم.. وكلامها واي شي منها يعصبني جدا جدا ..واعرف هالشي غلط جداً لان وجودها ما يتعوض بحياتي كلها ..واني اصلا احبها لكن ما اعرف شنو الي يخليني هيج اتعصب منها ... نفس الشي مع اخواتي مو متأقلمة على وجودي بينهم للان ..لكن معاملتي لاخواتي مقبولة ومو مثل معاملتي الها ...😩💔

1

6