انا كي كنت صغير كنت عاقل ، وكعادة اي دار جزائرية كانو كاينين مشاكل بين ماما واهل بابا ، بابا كان يعطي الحق اغلبية الوقت لاهلو مما جعل ماما تنضغط وطول الوقت متوترة وعنيفة ،ووين تخرج العنف تاعها . فيا انا واختي لانو كنا صغار كي كبرت انا كبرت خواف وعندي هوس المثالية ،"حاجة اذا ماكانتش مثالية ولا ناقصة ماتكملهاش" وكنت مانحبش نتضارب ،في الابتدائي كانت حياتي مليحة عندي صحاب بزاف وقاري والحمدلله بصح كي طلعت للمتوسط بدات حياتي فالانهيار كان واحد من صحابي يخليني ندير فيه واش نحب (المعنى المريض الي جا في بالك) وهاذي الحاجة رجعتني شبه ڨاي يعني الحاجة الي نسحقها منو نروح عندو نفريها ونروح.(سامحوني على القرف هذا). ووليت كل مرة تزيد الحالة تاعي .وباش يتفاقم الوضع اكثر عرفت صاحب اخر وكان هو الجانب الحنين من المرض كان يحبني ويتهلا فيا (في البداية كانت صحبة حقيقة فقط) مع الوقت بدات الناس تغيير من القرب الي بيناتنا في هذاك الوقت عرفت بلي مانيش وحدي الي راني مريض لالا كل صحابي وجيراني الي كانو في نفس عمري كانو بكل شواذ بشكل ماش صريح وتتفاوت بينهم الدرجات تاع هاذي الحاجة"احذرو من اصحاب السوء الي كيما هاذو ". المهم صاحبي الثاني الي قلتلكم كان حنين كان جميل ماشاء الله تبارك الرحمان وعرفت بلي صحابي هاذوك كانو عينهم بيقربو منو بسباب هذا الشي وهو كان علبالو وعارف كيفاش يتعامل معاهم تسريع للاحداث من القرب الزايد بيناتنا ولات العلاقة اكثر من صداقة ولينا نتباوسو(نقبلو بعض) وكملت هاذي الحكاية لعامين ، حتا وصلت للثانوية ،فالثانوية جاتني صحوة وربي قطع عليا العلاقة مع صحابي الفاسدين هاذو بكل بصح كي راحو مرة وحدة خلاو فراغ لقيت روحي ماعنديش صحاب ومازلت نشوف الذكور بشكل جذاب اكثر من البنات فاعطيوني تحديات ولا نصائح باش ندير صحاب جدد بعيدا عن هذا المرض .عندي عام وانا نحاول نعالج روحي بنصائح تاع ناس فاليوتيوب ومن شات جي بي تي حتا لقيت التطبيق هاذا .نصيحتي الاخيرة هاذي الظاهرة راهي كترت وراهي غير تزيد فالجزائر وراهي نار تحت القش توله لروحك وماتقولش بلي مايصرالي والو لانو درك برا مام الراجل ويخاف على روحو

3

3