من يوم ما اتولدت اتربيت في ظروف صعبة، علي ايد ام مرت بظروف اصعب كانت بتشوف الوحش في كل حاجه قبل الحلو بأميال، ده خلاني انا شخصيا زيها وحاجات تانية كتير بس المهم اني مش بعجب بشكل اي بنت دايما عيني بتلقط العيوب الاول، شوفت واحدة عجبتني جدا جدا بس كانت دايما بالنسبالي حلم بعيد لأنها في مستوى اجتماعي بعيد عني شوية (وانا مش في مستوى وحش خالص) لحد ما حصلت شوية صدف خليتني افتح موضوع الخطوبة صدفة مع ابويا وقال انه مرحب (سني ٢٥ ولسه بادئ اشتغل من ٤ شهور بعد الجيش) بس الكلام مكانش علي دي كان علي بنت تانية صالونات انا شخصيا معرفهاش المهم لما لقيت الدنيا ماشية كلمت ناس مشتركين بيني وبين البنت اللي انا معجب بيها من زمان اعرف تفاصيل عنها ووصلني انها فعلا بنت مستشار وعايشين في دبي ومشتوى فعلا كويس وانا وقتها اتوترت شوية. الكلام ده كان من اسبوعين انا كنت مسافر وقولت لما ارجع هكلم بابا في الموضوع ورجعت النهارده كلمته وقولتله كل اللي في دماغي وبصراحه شجعني فشخخخخخ، ردة فعله عمري ما كنت اتوقعها ورحب بالموضوع وفوقني كده من اللي كنت فيه وعرفني اني شايف الامور غلط واتفقنا في الاخر انه قالي اخد خطوة ومشغلش بالي المهم سألت ع البنت دي تاني النهارده بليل عرفت ان في حد اتقدملها من كام يوم .. انا فعلا مش عارف احس بايه انا ملحقتش حتى اتعلق بيها جامد بس انا فعلا متضايق واتاخدت في roller coaster من المشاعر في يوم واحد بس هي فعلا جميلة اوي انا مشوفتش زيها في حياتي، يمكن الي اتقدملها يترفض ويكون عندي فرصة مين عارف

4

3