محتاجه مساعده في علاج اضطراب الشخصية الحديه

Question

جماعه انا محتاجه مساعده .. انا عاوزة اتعالج من اضطراب معين ومش عارفه ازاي ، اضطراب الشخصية الحديه وبصراحه ياريت اي حد مش فاهم عنه أو مش فاهم ازاي هو متعب ميحكمش عليا ، انا يعاني يوميا منه وبدعي ربنا انه يوفقني وعلاقتي بربنا كويسه الحمدلله وربنا يوفق اي حد لطاعة الله، وبفضل ربنا عرفت مشكلتي بعد معاناتي الغريبه الي مكنتش بفهم مصدرها للأسف حالتي الماديه متسمحش اني اروح لدكتور نفسي ولا عاوزة اتعب اهلي معايا ولا عاوزة اخلي حد يبصلي لسه دونيه .. وبالمناسبة انا عندي 18 ولسه بدرس في المدرسة ومأثر على دراستي ويومي

Pistachio_56152 🇪🇬 · Accepted Answer

انا فاهم كويس انه محدش بيعرف يستحمل مزاجك الي كل شويه في حال ومحدش فاهم انه ده غصب عنك ودي حاجه مديقاكي

Mango_57291 🇪🇬 · Answer

حاول تعمل تمارين التنفس و حط نفسك قدام مشاهد صعبة (دمار مثلا ) و حاول تمسك نفسك
طبعا الموضوع مش سهل بس طالما معترف بالمشكلة يبقي انت حليت نصها

Coffee_59673 🇪🇬 · Answer

ايوه فعلا كله بيفتكرني عديمة مشاعر أو مشاعري اوفر وانا بالعادي شخصيه متزنه وبتعمل الحاجه بحماس شديد بس الموضوع ده بيخليني اسوء كل ما حاولت اقف

Pineapple_61230 🇪🇬 · Answer

العلاج المعرفي السلوكي هو الحل المناسب ليكي 
الموضوع كله محتاج انك تراقبي افكارك وتسجليها 
وبعدين تحددي أخطاء التفكير الي عندك 
ولكن كل دا لازم صبر ومجاهدة وانك تعرفي أن من أسس العلاج اصلا  انك تنتكثي اكتر من مرة وترجعي تبداي من تاني وربنا يشفي الجميع اللهم امين

Corn_60822 🇪🇬 · Answer

ربنا يشفيك ويقويك ❤️
جربي تتابعي فيديوهات موثوقة عن اضطراب الشخصية الحدية وتكتبي مشاعرك يوميًا، ده هيساعدك تفهمي نفسك أكتر. وادعِ ربنا دايمًا، هو القادر على كل شيء.

Pistachio_52720 🇪🇬 · Answer

تابعى دكتور عماد رشاد على اليوتيوب

Pineapple_61230 🇪🇬 · Answer

متعالجيش العرض عالجي السبب 
كلمة اضطراب يعني مجموعة من السمات الكتير الغلط مع بعض 
حدديهم بفهمك لنفسك علي الورق 
وعالجي سبب واحد لحد ما ينتهي وبعدين ادخلي السبب الي بعده 
لكن لا تعالجي كل الأسباب مع بعض فتحبطي من عدم وجود نتيجة