مساء الخير في تلك الأجواء الصيفية اللعينة وبعد زحمة المواصلات ترجع بيتك تدخل تاخدلك دش لطيف تنزل عرق السنة الي بتعرقوا عشان خايفين تجيبوا مزيل عرق يامعفنين تطلع وتصلي الفروض الي فاتتك وتاكل لقمة جميلة وتخش اوضتك تلاقي سريرك بيغنيلك تعالا نخلي الحلم حقيقة تعالا تعالا💃🏻💃🏻 ويدوبك لسة هتاخد السرير بالحضن هوبااا تلاقي دماغك محضرالك كوليكشن مفاجئات عنب تتكون من (فرط تفكير، جلد ذات، حنين للماضي، بكاء على الأطلال، كيف بدءت الخليقة وشكلها ليلة مش هتعدي🤦🏻‍♂️ طب هل انا كدة طبيعي؟ اه طبيعي طب ده سببه إيه؟ سببه إنك بتأجل عمل اليوم الى الغد🤷🏻‍♀️ بجد إزاي؟! هقولك: ربنا سبحانه وتعالى ميز الإنسان عن باقي المخلوقات بالعقل وخلاه دايماً يختار كل حاجة (الإنسان مخير وليس مُسِّير) فإنت بطبيعة الحال دائماً عقلك يعج بالأفكار الكثيرة التي تكاد تكون لا ترتبط ببعضها للوهلة الأولى فأنت هتلاقيك بتفكر في محاضراتك وبتفكر في البت الي شوفتها في المواصلات ومش هتشوفها تاني وانتي بتفكري تقنعيه إنه يجبلك خاتم من بانادورة بدل الدهب وحوارات كتير.... طب إيه الحل؟ الحل إنك ترتب اولوياتك وتعملها أول بأول عشان متفضلش شاغلة تفكيرك يعني مثلاً عندك مذاكرة يبقا خلاص خلص مذاكرتك عشان تفكيرك ميفضلش منشغل بيها عايزة تشتري بلوزة خلاص خططي هتحوشيلها ازاي وابدأي عشان الموضوع ميفضلش شاغل بالك بتحب حد ونفسك تقوله روح قوله ومتصدعناش عشان تقولك خلينا اخوات وتخلص من القصة دي المهم متسيبش عقلك بيفكر في حاجة وتتجاهلها عشان هيرهقك جداً Au revoir 👋🏻

3

0