خايف نخسر أحبابي بسبب وظيفة أعوان الشرطة

Question

السلام عليكم اخوتي .. انا من الجزائر و راني باغي ندفع في مسابقة اعوان الشرطة.. و راه عندي مخاوف من انو تتبدل نظرة الشعب لياا بسبب هذي الوظيفة لانو كيما تعرفوا بعض الناس ميبغوش هذي الوظيفة و يطلقوا عليها هدرة بلي خدمة تاع ر..خس و و و و الله يهديهم ... مع العلم انو انا قاع الناس تبغيني و نبغيها و تقدرني ايا راني خايف بسبب هذي الوظيفة نخسر احبابي ... و عندي خالي من تسعينات في شرطة الله يبارك الناس قاع تبغيه و عندي ولد خالتي ثاني عنده 10 سنوات خدمة و هو ثاني قاع الناس تبغيه و مرتاح ماديا و كلش .. اياا واش رايكم في هذي المخاوف لي راها تجيني ؟!؟!؟! و انا انسان عندي 19 عام برك .. و شكرا

Cherry_83688 🇩🇿 · Accepted Answer

مشكلة الشعب الجزائري يتبع القيل و القال كاش واحد راهو يجيبلك القفة لدار ؟ كاش واحد راهو يدق دقلك فالباب يقولك هاك اشري وش تسحق ؟ علاش دير على هدرة الناس صلي استخارة و اتكل على ربي

Avocado_83712 🇩🇿 · Answer

هدي نظرة تاع الناس و هدرتهم لي راكي ولا راك تخمم فيها ناس كي تبغي دير حاجة متديهاش فيك امالا دير(ي) على حسابك  و خدمو حلالية ما فيها عيب

Cherry_83737 🇩🇿 · Answer

nerml Ila NTI bghytha eadi myhmksh cha ygolo w التغيير ybda mnk yla kan المجتمع فاسد

Blueberry_23192 🇦🇪 · Answer

السلام عليكم متخافش مدام انت حاب و مقتنع و رح تكون رزق ليك توكل علىً ربي اي شئ في دنيا عندها سلبيات و ايجابيات المهم انت كي تخدم خدم بقلب  ميهمكش نبي و هدوو فيه جات في العبد للله و بتوفيق

Blueberry_23192 🇦🇪 · Answer

توكل على الله

Mango_83750 🇩🇿 · Answer

بلعكس كي تولي تخدم لي ماكانش يحبك يولي يحبك

Avocado_83556 🇩🇿 · Answer

نظرة الشعب متصرفش عليك كونك انسان حلالي و متحڨرش هدا مكان بينك وبين روحك ربي يوفقك

Mango_83743 🇩🇿 · Answer

لو كان نقعد نديروا على الهدرة تاع الناس حتى واحد مادير حاجة في حياتو الموهم دراهم لحلال أو خدمة نقية أو ربي يوفقك

Marshmallow_82477 🇩🇿 · Answer

nrml nta ak habb dir had 3afsaa dirhaa w baynlhm belli nta machi kima lekhrin nta tmatal rehekk  ki tla9ahm gasar m3ahm kima bakri w gae w. ma thdrlhmch ela khdmtk haja ak habhaa ma tkhamam f ta had khamam f rhk 🤍

Chocolate_83771 🇩🇿 · Answer

الا بقيت تشوف لناس واش يريحهم تبقا ف بلاصتك  بالعكس دير لي تعجبك واذا قيموك قيمهم والا هدرو هدرتهم الجايحة طنشهم عادي كانو مكاشهم و بالتوفيق

Marshmallow_81893 🇩🇿 · Answer

اقعدي في نظرت ناس ليك و رضي ناس وزيدي اعبدي ناس

Marshmallow_83788 🇩🇿 · Answer

تبع هدرة ناس مراحش تعيش سما خطيك وتبع رايك وش يقول صلاحك اهم شي هدرة ناس ماتنقص ماتزيد

Strawberry_80084 🇩🇿 · Answer

صلي استخارة واتكل على الله مكاش لي راح يديها فيك وماتديرش على هدرة ناس جايحة المهم انت تكون ناس ملاح وماتحقرش وتخدم بلحلال طنش الهدرة زايدة واتكل على الله ربي يوفقك  للي فيه الخير .