هو فى حد زي ولا انا الي محتاجه اتعالج انا بتحرج من حوار الفلوس ده جدا ازاي هقولكم انا مرتبطه بواحد بحبو بقالي 3 سنين والحمدلله هنتخطب قريب المهم اني بتحرج اكلمو فى اي فلوس اي فلوس عموما مبحبش حتى هو يجيب سيره فلوس هو معاه قد اي انا معايا ولا لا ولما بنخرج بختار اماكن مفهاش اي مصاريف عشان ميدفعش ولما دفعلي الاوبر كنت مدايقه اوي مبينتش ليه بس كنت مدايقه ولازلت مدايقه مبحبش انو يصرف عليا وفى نفس الوقت لو انا بكلمو فون وهركب مواصلات عشان اروح بتحرج اوي اخليه يسمع اني هركب او اني عموما هركب مواصلات لدرجه اني ممكن افضل ماشيه فى الشارع بكلمو لحد ما يقفل بعدين اركب او اعمل المكالمه ميوت وبعدين اركب ومبحبش اقولو معيش رصيد ولو ماشيه معاه ببص عليه بس عشان عيني متجيش على حاجه ويفتكرني عيزاها انا بحكيلو المشاكل الي بتحصلي بس لو مشكله فيها فلوس او حاجه من الي قولتها مبحبش اقول حتى مبحبش اقولو انا جبت ده بكذا هو فى حد زي ولا انا مريضه نفسيه ولا فى حل للي انا فيه ده عايزه اتعامل عادي فى الحوار ده حتى هديه عيد ميلادي هو جبها مخدتهاش ومحرجه اخدها عيزه حل لان بعدين هيبقى فى خطوبه باذن الله وجواز ولازم هنتعامل فى الامور دي فى حل ومحدش يقولي اضغطي على نفسك مش بعرف باجي بعدين اجلد ذاتي

0

3