محدش مهتم بيا من أهلي وحاسه بالقرفه

Question

محدش مهتم بيا عمتا من اهلي 
بصرف علي نفسي في الحاجات للشخصية وكل اللي انا محتاجاه فحاسه اني استرجلت وبقوم بدور مش دورى هما بيصرفو علي دراستي لكن بردو حاسه طول الوقت بالقرفه من ناحية ابويا واخواتي خصوصا انه انا بنت علي ولاد

وطول الوقت مفيش بينا تفاهم وبيصنفوني علي اني الابنه العاق مع انهم وقت ما يحتاج اي حاجه يقولولي هاتي فلوس هاتي كذا ليا هاتي كذا ليا وقت مانا اطلب حاجه ابقي عاقه ومش شايله مسؤليه 
ولو رفضت أدى بتعامل معامله سيئه جدا فبضطر أدى عشان ابقي محبوبه مؤقتا 
طيب ما تشتغليش وحطيهم أمام الأمر الواقع مش هيعبروني ف احتياجاتي حرفيا لو نفسي في سندوتش مش هعرف اجيبه الاجره علي اد المواصلات

Apple_70583 🇪🇬 · Answer

كلميني ي مانجا اقولك تعملي اي 🥭

Mango_70809 🇪🇬 · Answer

ازاي ي تفاحه

Apple_70583 🇪🇬 · Answer

البتاع ده غريب محدش فاهم حاجه فيه خالص 🙅‍♂️🤷‍♂️ ابعتي رساله كده شوفي

Mango_70815 🇪🇬 · Answer

جربي تشتغلي  في مجالك مثلا وانجحي ودا هيثبتلهم اد اي انتي شخص مفيد وإيجابي وهتلاقيهم بيحترموكي ويعملولك حساب كمان

Mango_70809 🇪🇬 · Answer

اوك بنزل تدريب ف مجالي بس لسه. مخلصتش جامعه

Tofu_71449 🇪🇬 · Answer

بطلي تبصيلهم بجد عارفه انه صعب وأنهم اهلك وانك هتحسي لو ملقيتيش فيهم السند والحنان والاهتمام هتحسي مش هتلاقيه برا بس صدقيني محدش بيختار اهله خالص ولا حد بيبقا عارف حياته هيبقا فيها ايه ممكن ربنا عمل كل دا وخلاكي تعتمدي علي نفسك من دلوقتي عشان مش هتلاقيهم بعد كدا وانتي مزنوقه ومحتاجه حاجه ضروري جدا وانتي اللي هتعرفي تتصرفي لنفسك وليهم ساعات كتير بس عاوزاكي تتأكدي انك هتبقي شاطره

Tofu_71449 🇪🇬 · Answer

هتبقي شاطره وهتبقي كفايه لنفسك في حياتك وهتبقي فخوره بنفسك بعد كدا انك عديتي بحاجات كتير لوحدك عارفه ان دا علي قد ما بيفرح علي قد ما بيوجع انك لوحدك بس انتي هتختار شكل حياتك بعد كدة وهتبقي حياتك جميله اوي زيك صدقيني وبطلي تسمعي منهم وتصدقي كلامهم وهتبقي احسن كتير صدقيني 
عن تجربه والله

Tofu_71449 🇪🇬 · Answer

افتكري انك عمرك ما هتغيريهم بس انتي هتقدري يبقا عندك الذكاء الكافي انك تفهمي ان دا علي قدهم اذا كان الحب اللي بيدوه ول اهتمام ولا رجوله ولا اي حاجه دا اللي اتربو عليه وفهموه احنا عنينا اتفتحت علي أشكال كتير من الاهتمام والحب ف عارفين أشكال تانيه غير اللي هما مقدمينا ف بنطمع يعملو دة بس لا خليكي واقعيه وان حياتهم وتجاربهم مختلفه عنك