تعبت من الكلية ومش عارف أتأقلم - محتاج حل

Question

محتاج حد يفيدني انا دخلت كلية مش حاببها عشان اهلي مش اكتر و فكرة اني احول مرفوضة تماما بس المشكلة ان دي تالت سنه ليا و شلت برضو فيعتبر بعيد سنة تانية تاني انا بجد تعبت الفكرة إن ممكن ادي الكلية طاقة اول كام اسبوع عشان بقول اخلص منها مش اكتر لا عاوز تقدير ولا قرف لإني مش حابب الكارير كله بس برجع تاني اوقف و مقدرش انزل و اتابع و حتى رغم انهم شايفني بشيل عاوزني اكمل عشان يبقا اسمي المهندس راح المهندس جه عاوز حل حتى اقدر اتأقلم مع الوضع عشان انا في التالته و مش قادر اتقبل برضو و حاسس عمري بيضيع

Banana_35773 🇪🇬 · Answer

هنفيدك إزاي بعد 3 سنين !!!!!

Watermelon_61375 🇪🇬 · Answer

معرفش يسطا والله هي سنة اولى عدت كويس عشان كنت بقنع نفسي ان ده الامر الواقع خلاص اه مكنتش راضي بس حاولت،  جالي بعدها على طول مرض مناعي حسيت كل حاجه قفلت و مش متقبل اي حاجه عموما

Banana_35773 🇪🇬 · Answer

متعملش حاجة ضد رغبتك
اهلك مش هيعيشولك حياتك 
هما عاوزينلك الأفضل زيهم زي اي أهل طبيعين 
بس واضح من كلامك إنه الموضوع معاهم مش رايح في الإتجاه ده خالص وإنه فيه شوية منظرة وتباهي مش اكتر

Watermelon_61375 🇪🇬 · Answer

الموضوع فعلا كده لإنهم كمان متخرجين من (كليات قمة) زي ما بيسموها فشايفين اني مينفعش اطلع برا الاطار ده بس الفكرة مش هعرف احول لإن ابويا شايف انه المسؤول عن كل حاجه فمليش حق اختار لما ابقا فبيتي و مسؤول عن نفسي تماما اعمل اللي عاوزه

Corn_61463 🇪🇬 · Answer

كنت كده زيك وانا في تجارة، ولما سقطت تاني سنة، ابويا قرر يشغلني قال ايه علشان ماصعيش، مايعرفش انه وداني لصياعة، المهم لما السنة خلصت المفروض ارجع طالب تاني.. ساعتها اخدت اهم قرار في حياتي، اني مش هكون طالب تاني، ووقفت قدامه هو وكل اهلي.. وفي الاخر لما شاف نتيجة اللي انا كنت عايزه، صدقني.. انا دلوقتي ٣٦ سنة، النصيحة اوعى تعمل حاجة انت مش حاببها، ومش مهم اي حد غير ربنا.. المهم تكون عارف انت عايز ايه

Chocolate_59813 🇪🇬 · Answer

الشغل و الاتجاه إلى عايز تمشى فيه  دلوقتي مش بس مقفول على الكليه إلى بتتخرج الكليه ما هى الى شهاده تثبت انك انسان متعلم لكن دلوقتي فيه كورسات و تدريبات للحاجه الى بتحبها لو انت فى هندسه هتتعلم منها حاجات كتير موت صدقنى هتفيدك فى حياتك اصلا اكتر من الشغل و شوف كام مهندس شغال مهندس كلهم  بيشتغلوا سنتين تلاته لحد مشويه يقف على رجلى و يعمل كارير شيفت فالكليه مش ضروري خالص اتخرج اشتغل فيها