محبطة من نفسي عشان مش بصلي مع إني بعرف إنها بترتاحني

Hazelnut_69204 🇪🇬

منذ أسبوعين

شعور خجلان

محبطة جدا ومسكوفة من نفسي بسبب اني مسلمة ومش بصلي بجد بكون متدايقه جدا من نفسي وكل فتره بحاول بس معرفش ليه ولامتا هفضل كده ومعرفش ليه انا كده مع اني دايما ببقا حاسه ان ربنا معايا فكل حاجة وكل خطوة ومؤمنة جدا بيه وبحب اني اقرب ولما بصلي برتاح اوي بجد مش عارفه ازاي انا عارفه اني هرتاح لما بصلي ومش بقوم اصلي بردو مع اني عارفه ان فيها راحة ليا وهحس اني لو مت مش هكون خايفه زي مانا دلوقتي مفيش حاجة مخوفاني من الموت غير علاقتي وتقصيري مع ربنا ربنا يهديني ويهدي الجميع يارب وانا بجد مش عارفه اعمل معايا ايه سمعت كلام كتير والمشكلة مش فالكلام لاني مقتنعه وبتقطع من تأنيب الضمير وساعات اقوم اتوضى ومصليش بجد حاجة خيبه وتكسف انا عندي ٢١ سنة مش صغيره وجايز متعودتش عالصلاة من زمان والبيت كله مش بيصلو ماما بس وبتقطع جامد ومش فكرة عدم تدين بيتنا مش بينقطع عنه القرآن واعتقد ان كلنا عندنا نفس المشكلة اللي عندي بس انا بجد بعاني مع نفسي ادعولي ربنا يهديني

محتارة في موضوع سفر ماما و تأنيب الضمير 🙁

عندي موضوع محتارة فيه اخواتي في الله دلوقتي احنا كنا مسافرين من زمان جدا ، من اول ما اتولدت ، المهم ، من ٣ سنين جينا احنا مصر و بابا فضل مسافر بيشتغل هناك ، كان بيجي لنا في آخر السنة شهر كدا و لا شهرين المهم ، ماما سافرت لبابا من شهرين كدا ، و احنا كنا متفقين سوا ( انا و ماما و اخواتي ) انها هتيجي على أول رمضان كدا ، تعمل عمرة و تيجي المهم قالت دلوقتي انها مش هتعرف تعمل العمرة بسبب ظروف و الحجز لحد آخر رمضان غالي جدااا ، و بابا كان حجز اصلا على ١٠ رمضان ، بس كدا ماما مش هتعرف تعمل عمرة ، ف قالت لنا هتعمل عمرة و تستنى للعيد و بعدين تيجي ، وقت ما تيجي هيكون باقي ٢٠ يوم على امتحاناتي ، ف اعترضت و ماما اصلا قالت لو مش موافقين ف انا معنديش مانع اجي ١٠ رمضان الي هو الخميس الجاي ف اعترضت و اختي كمان معترضة بس مبتقولش عشان هي كتومة ، و انا مستحملتش أسكت الصراحة ، ف ماما قالت لي الي هتقولي لي عليه هعمله ، ف انا حاسة بتأنيب ضمير رهيب عشان حسيتها زعلت بجد بس انا تعبت بردو و معنتش مستحملة أقعد بدون ام و أب! ف هل انا كدا عملت صح و لا غلط ؟ 🙁 ...عرض المزيد

4 الدعم

8 نصيحة

أخويا في الجيش زعلان ومش عارفه أواسيه

اخويا اللي في الجيش كل ما ينزل اجازه بلاقيه مكتئب وحزين و كل ما اسأله مالك عينه تدمع و اليوم اللي بيبقي ماشي فيه بلاقيه بالليل قاعد كأنه هيعيط مع انه مش كدا خالص حاولت اعرف ماله كتير مش بيقول و علي طول عندي تأنيب ضمير عشان شيفاه زعلان ومش عارفه ماله ومش عارفه اواسيه ازاي ...عرض المزيد

3 الدعم

3 نصيحة

مشكلتي مع تعابير وشي وذنبي قدام والديّ

جماعه ياريت متبخلوش بالرد محتاجه نصايحكم انا عندي مشكلة ان مبتحكمش في ريأكشنات وشي والموضوع ده عاملي ازمه مع والدي و والدتي بحس بالذنب اوي و بجلد نفسي كل يوم غظب عني لو طلبو مني حاجه وانا تعبانه وشي بيبان انه مضايق فبقيت احس انهم بياخدو بالهم و بيزعلو من جواهم او بيحاولو ميطلبوش اعمل ايه غظب عني انا حسه بالذنب اوي ...عرض المزيد

2 الدعم

3 نصيحة