ماما جابتلي عروسة قدي ٣ مرات ولسانها زفر!

Question

ماما جابت لي عروسه وما رضيتش توريني صورتها وقالت لي أنت هتشوفها على الحقيقه وحتعجبك. رحت شفتها لقيتها قدي ثلاث مرات في الحجم، ده غير أني وأنا بتكلم معاها كانت بتكلمني وكأني كيس زباله جنب الحيطه. لما رجعت البيت قلت لها أنا استحاله أخذ واحده لسانها زفر كده. ماما قالت لي انت تطول تتجوزها اصلا؟!!!
أنا استغربت وقلت لها إيه اللي مخليكي متمسكه بالبنت دي؟! قالت لي لأنها وحيده ابوها وامها. وأبوها قبل ما يتوفى كتب لها العماره اللي بيملكها ليها علشان عمامها ما يروثوش معاها. فاحنا عايزينك تتجوزها علشان هي ماجره العماره كلها وبيدخل لها مبلغ خرافي فهتعيش عيشه كلها دلع وغنى. ايه تعليقكم على الموضوع ده؟

Peanut_69508 🇪🇬 · Accepted Answer

انت مش هتتجوز المديات او العماره انت هتتجوز البنت البنت هتبقي ام لعيالك طريقتها وتصرفاتها كلها هتبقا ليك ولعيالك عشان كدا لما تقرر انك تتجوز المفروض تفكر ف الشخص لنفسو خلق دين تربيه كدا يعني ولا حسب ولا نسب ولا فلوس

Mango_71162 🇪🇬 · Answer

متعملش كده طبعا
ده اسمه استغلال
غير انك هتظلم نفسك اوي معاها و هتضطر تمثل 
و من الاخر الباب ده لو فتحته مش هيجيلك ب خير

Orange_61792 🇪🇬 · Answer

انت حتى مش محتاج تعليقاتنا ،تخيل لما تتجوز واحدة هي عارفه انك متجوزها عشان فلوسها،و بتعاملك وحش ف مقابلة التعارف ،هتعاملك ازاي بعد الجواز 😂
لا طبعا انهي الموضوع و متضيعش وقتك و حافظ على كرامتك

Potato_71025 🇪🇬 · Answer

لا طبعا مينفعش تاخدها عشان فلوس او ورث والكلام دا كلو انت اللي هتتعب وهتعيش مع وحده مش حاببها حتى لو اطلقتو وخت ورثها مثلا ربنا مش هيسيبك لان كما تدين تدان

Sugar_65738 🇪🇬 · Answer

مش موافقين جوازه مصلحه

Sugar_51886 🇪🇬 · Answer

والله انا اسفه في اللي هقوله امك عايزه تربيه

Olive_65811 🇪🇬 · Answer

اوعى تسمع كلام والدتك
هتخسر نفسك 
هتخسر رجولتك و قوامتك
هتخسر متعتك بشريكة حياتك
هتخسر كل حاجة و كرامتك ادفنها قبل ما تتجوزها