ليه مش قادر انسى حد مش في حياتي؟

Question

لو شخص انا معجبة بيه جدا وبفضل فاكرااه دايما ويعتبر هو مش في حياتي اصلا ومش بنشوف بعض غير مرات قليلة. اوي في السنة يعني ممكن اشوفه خمس مرات كدا فلليه بقا التعلق دا مش الوقت كفيل انه. ينسي اي حاجة بس حرفيا موضوع الاعجاب دا من زمان جدا من واحنا  عيال ولسة لحد دلوقتي بقيت بحس اني مريضة طيب ليه هو في بالي طول الوقت دا رغم ان مفيش نصيب عشان هو مش شايفني اصلا والتقيلة بقا انه مش مناسب ليا انا دعيت ربنا كتير جدا انه يخرجه من دماغي

Strawberry_51933 🇪🇬 · Accepted Answer

لأن ممكن هو يكون اقرب ولد ليكي او انك متعلقة بيه في قلبك رافض الاستسلام و الأعتراف بالخسارة او انك بتقعدي تسلتسلمي لمشاعرك تجاهه بسهولة فبتقعدي تفكري فيه فبتنشطي حبك ليه او ان عندك وقت فراغ  فالحل اللي يلخص كل حاجة اشغلي وقتك و ابعديه عن دماغك

Cherry_50471 🇪🇬 · Answer

انتي رجعتيني 13 سنة 😂
عموما شيلي من دماغك عشان هتتعبي

Hazelnut_49756 🇪🇬 · Answer

مهي دي الفكرة انا حاولت كتير اوي انا حتي معنديش امل اننا نبقي معض ذائد ان اه هو دا الولد الوحيد الي بحتك بيه لانه من العيلة اصلاا غير كدة انا عمري ماكان ليا احتكاك بأي ولد

Strawberry_51933 🇪🇬 · Answer

طب حاولي تتابعي مع دكاترة نفسيين على النت ازاي انك تثقي في نفسك اكتر لأن ده هيخليكي نفسيا مش محتاجة لأي نوع من انواع العاطفة وهتكوني مكتفية بذاتك ومش هتفكري فيه وهتنسيه

Coffee_51860 🇪🇬 · Answer

تقريبا انا وانتي عشنا نفس الظروف هو مش مناسب قلبي وعقلي رافضينه بس في حاجه مخلياني اتعلق بيه ممكن تكوني شايفه انه دا ال lifestyle والشكل مثالي ومش بعيد تكوني بدأتي تعجبي بيه عشان تهربي من اللي حوليكي وتحافظي علي قلبك لكن صحيتي لقيتي نفسك بتتورطي في حب اكبر وكمان هتكوني ربطيه بميوزيك بتسمعيها كتير بمواقف معينه في حياتك بتخيلات بعد الساعه 12الحب دا بنفضل نتناساه لحد ما يجي الحب اللي بينسيهولنا بجد

Coffee_51860 🇪🇬 · Answer

وعايزة اقولك كمان انك بعد كل تجربه فاشله بتعشيها بترجعي تفتكريه وتسمعى الميوزيك اللي كنتي بتسمعيها وبتتخيليه بيشاركك وقتها وبترجعي تحني تاني ومش بعيد تلاقي نفسك بتنطقي اسمه بدون ادراك منك او انك تكوني بتفكري في حد تاني بس اسمه هو اللي يكون على لسانك كل دا عادي ركزي على حياتك واشغلي نفسك بحياتك انتي لإنك اولى بدا بطلي تفتحي البروفايل بتاعه بطلي تشوفي الاستوري ولو بتكلميه من وقت للتاني بطلي تعملي دا

Chocolate_30753 🇯🇴 · Answer

دا هو الحب.
لما تكوني حبيتي حد من غير متعرفي السبب و منغير ميكون في حاجه عملهالك يبقا دا حب.
انا بقالي سنه بحب بنت لسه لحد الان عمري مشفتها ولا اعرف شكلها ازاي و عمري مخدت منها حاجه بس بعشقها و بدعي ربي بكل صلا و بكل ساعه يجعلها من نصيبي و بوصل لسعاده غير طبيعيه لمجرد اتخيلها جمبي و بفكر فيها 24 ساعة بال24 ساعة
ادعولي تبقا من نصيبي ♥️

Hazelnut_49756 🇪🇬 · Answer

♥♥