نظرتناا لملامح الناس مش زي بعض اول طريقة شوفنا بيها الشخص هيا الي بتثبت على طول ف بالنا مهما حصل ساعات بحاول مع نفسي كده ابص لشخص اعرفه من زمان بس بطريقة تانية يعني مثلا لو كنت دايما بلاحظ فيه عينيه ف لا احاول الاحظ حاجة تاني مكانتش واضحالي زي مثلا بقيت ملامحه زي خده مثلا وشه كله على بعضه مش عاى العنين بس او اي حاجة مش مألوفة بالنسبالي والفكرة دي بتخليني اشوف الشخص ده لأول مرة اكني عمري مقابلته قبل كده مع اني اعرفه من زمان ليه احنا بقا مش بنحاول نبص لنفسنا ونركز على حاجات تانية فينا جوانا او ممكن نبدأ برضو بملامحنا الي مكناش بناخد بالنا منها ونسيب الملامح الي مش حابينها على جنب -بغض النظر عن اننا المفروض نحبنا كلنا زي محنا - نبطل نركز على حاجات سلبية ونبص للحاجات التانية الي بتميزنا الي هوا انا عصبي وحساس جدا، طب ليه منشوفش ان حساسيتنا دي كمان بتجيب حنيه ف اوقات تانية كتير وبتخلينا واعيين اكتر بحاجات غيرنا ممكن يقع فيها او مثلا انا عيني ضيقة شوية ومش عاجباني، ممكن نركز على وشنا كله ونكتشف انه لايق على بعض والعين مميزاه جدا وبرضو فيه خدود جميلة جدا كمان اهو ومكناش شايفنا بسبب حاجة تانية ونفس الحوار على شخصيتنا كلها مش الملامح بس ليه الإنسان دايما لازم يبص لسلبياته ويطلع نفسه وحش ليه ميجربش يبص لنفسه بعين تانية بملامح تانية وبطريقة تانية غير الي اتعود عليها زمان، ومعروف بالوقت كل حاجة بتتغير ف ليه دي كمان مبتتغيرش؟

1

3