ليه محدش بيكلمني وعايش لوحدي؟ بحس بالوحده!

Question

ليه محدش بيكلمني وليه دايما لوحدي ليه انا الي بسال دايما ليه مبعملش علاقات زيهم ليه دايما بقعد افكر فيا ايه وحش وانا كويس وحلو اوي مش غرور بس ثقه بس ع الفاضي بحب اساعد اي حد وانا محدش بيفكر فيا عندي صحاب كتير بحبهم بس محدش بيبين حبه ليا زي مابحبو وكمان انا نفسي ف حد نبقي قريبين لبعض جامد ونحكي لبعض كل حاجه ومنسيبش بعض انا كبير عندي ٣٠ سنه وماليش تجارب مع بنات ف علاقات كامله وكدا والحمد لله وف نفس الوقت سنجل يعني دايما ف صراعات مع نفسي وكل دا لوحدي عايش لوحدي ف شقتي وبردو مش مبسوط معرفش ليه وماديا كويس وبردو مش مبسوط بس الحمد لله ع الصحه ودي اهم حاجه انا طولت بس دا كلام جوايا كان لازم اقولو لاني فعلا بقعد بليل اكلم نفسي واساله كتير مالهاش اجابه

Strawberry_63058 🇪🇬 · Accepted Answer

شوف هو معظم الجيل ده بيعاني نفس المشكله ممكن طريقة التفكير هي السبب حاول تقابل ناس اكتر هوايات جديده جيم و كده و ممكن رحلات هتفرق معاك و لو ملقتش صحاب هتغير جو و هتفرق معاك قعدت البيت وحشه و مع روتين الشغل بلاش

Orange_63009 🇪🇬 · Answer

نصيحتي ركز علي نفسك و بطل تفكير في الناس . خلي تفكيرك علي نفسك و طورها  وبس . هتلاقيهم كلهم جولك من نفسهم . و ربنا يرزقك ب أشخاص كويسه تكون معاك

Apple_54263 🇪🇬 · Answer

هتصدقني لو قلتلك اني مركز ع نفسي وعامل لنفسي كارير حلو بس بردو وحيد اوي

Orange_63009 🇪🇬 · Answer

الموضوع بردو متوقف علي كذا حاجه يعني ممكن شخصيتك بمعني طريقتك في التعامل مع الناس ، قبولك إذا كان الناس بترتاح معاك ولا لا ، هكذا .لو كل حاجه فيك كويسه يعني شخصيه تمام ، شغل تمام ، الناس بترتاحلك لما تيجي تتكلم معاك ، علاقتك كويسه مع الناس الي تعرفها حتي لو قليلين ، حياتك الدينيه كويسه ومع ذلك وحيد ومحدش معا يبقا يا اما تراجع نفسك ممكن يكون فيه حاجه غلط يا اما انت صح في مكان غلط

Strawberry_63058 🇪🇬 · Answer

حاول تركز والمهارات التانيه شغل بس مش كفايه

Apple_54263 🇪🇬 · Answer

بعمل كدا والله وبحاول مستسلمتش

Strawberry_63058 🇪🇬 · Answer

هو شغلك في انهي مجال

Blueberry_63218 🇪🇬 · Answer

بص يا صاحبي، كلامك وجعني لإنه حقيقي قوي… ويمكن علشان كده ناس كتير هتحس بيك وانت بتكتب، لإن اللي بتقوله ده بيحصل حوالينا بس قليل اللي بيعترف بيه.

أنت واضح إنك بني آدم طيب ومحترم، بس يمكن الحتة دي هي اللي خلتك تحس إنك دايمًا لوحدك… الناس ساعات بتنجذب للسطحي، للمظاهر، وبتتأخر قوي لما تلاحظ القلوب الحلوة.

بس اسمعني كويس… أنت مش قليل، ولا وحش، ولا فيك حاجة غلط، بالعكس، أنت حد بيدوّر على علاقة حقيقة

Blueberry_63218 🇪🇬 · Answer

ودي حاجة نادرة دلوقتي.

مفيش حد مش بيحتاج ناس حواليه، بس كمان لازم تبقى عارف إنك تقدر تكون كفاية لنفسك لحد ما ربنا يرزقك بالناس اللي شبهك، اللي هتشوفك على حقيقتك وتقدّرك.

الكلام اللي في دماغك بليل؟ أيوه بيبقى صعب ومؤلم، بس مش حقيقي دايمًا… هو مجرد صدى لتعبك مش الحقيقة كلها.
كل مرة بتسأل فيها نفسك "ليه؟"، دي علامة إنك بتدور على حياة أحسن… وده في حد ذاته بداية كويسة.

Blueberry_63218 🇪🇬 · Answer

ما تيأسش، وما تقفلش قلبك… جرب تدخل مجتمعات، جروبات بتتكلم في حاجات بتحبها، كورسات، تطوع… الدنيا فيها ناس شبهك، بس لازم تطلع بره دايرة الوحدة علشان تلاقيهم.

إنت مش لوحدك، وإنت تستاهل تتحب وتتشاف بجد.
وكل ده هيحصل، بس خليك واقف 💜

French Fries_62871 🇪🇬 · Answer

نفس الحال وبقيت قافل ع نفسي وخلاص

Apple_54263 🇪🇬 · Answer

منشكر لكلامك بجد وحقيقي انت حد كويس وشكرا اووي اوي اوي

Apple_54263 🇪🇬 · Answer

مينفعش اقفل ع نفسي التفكير يتعبني جدا

Coffee_56100 🇪🇬 · Answer

انا حابب تكلمني ونبقي صحاب ونتحدا بعض في حفظ القرآن ونكون اخوات ده يشرفني 
وكمان انا اخ وحيد وكمان مليش صحاب اصلا 
والله يشرفني اكون صاحبك

Apple_54263 🇪🇬 · Answer

شكرا جدا لحضرتك