ازيكوا.. انا اول مرة انزل حاجه هنا بس في حاجه موقفة حياتي و محتاجة اتكلم عنها.. هو ليه اللي عنده شرخ او عامل عملية شرخ بيبقي صعب عليه انه يقولها ؟ انا عاملة عملية شرخ من شهر 11 اللي فات و لحد النهاردة لسة بتعالج من مضاعفات العملية بس بتكسف اقول عندي ايه لما بتسأل عاملة ايه بكدب بقول رجلي تعبانة او بطني تعباني بس مقولش الحقيقة.. مع انه مرض زي اي مرض في سنة بتضيع من عمري بسببه و خسرت شغل كانت هتنقلني ف حتة تانية بس الحمد لله ربنا مرادش و مبقاش عندي صحاب خلاص هي واحدة بس اللي بتحاول تفضل موجودة حسة ان حياتي بعد العملية اتغيرت حتي شكلي اتغير خسيت جدا و شكلي بقا تعبان جدا جدا جدا و يومي بيتوقف ع الحمام يعني لو الحمام تمام انا تمام و لو مش تمام مقدرش اتحرك بترمي ع السرير و طبعا الحمام بييجيلي فجأة و ببقي لازم اخش فورا فا لازم منزلش من البيت الا لما اعمل حمام.. انا عارفة ان في ناس وضعها اوحش مني بس انا بحكي ان حياتي اتغيرت و وقفت و مش عارفة هرجع طبيعية زي الاول ولا لا طمعانة اني ارجع طبيعية و حسة اني مش كويسة نفسيا و دايما عندي احساس ان محدش هيتقبلني بحواراتي دي كلها

1

6