ليه بتعلق بالناس بسرعه؟ معرفش السبب!

Q: زهقت من الوحده ومعنديش صحاب بس بتعلق بسرعه

انا حرفيا معنديش صحاب خالص وبقيت لما بشوف صحبه مع بعض بزعل علي نفسي اني لوحدي والمشكله اني بتعلق بسرعه جدا مثلا حصل مع حد موقف حلو بتعلق بالحد دا اوي وبرجع البيت ازعل لأني اتعلقت علي الفاضي وزعلان اني معنديش حد مهتم بيا ولا حد بيسأل عليا ولا عندي حد اكلمو حتي علي النت انا من زمان وانا لوحدي بس مكنش عندي الفراغ العاطفي دا كنت عادي يعني دلوقتي انا متبهدل نفسيا وزهقت من الوحده

Q: عندي مشكلة الاحتياج في العلاقات والموضوع يبوظ

يعني بحاول افهم نفسي كل فتره .. حاليا بفكر في علاقاتي صحابي او خطوبه انا عندي مشكله ورغم معرفتي بيها الا اني كل مره بقع فيها .. وهي الاحتياج بحتاج ونس صاحب حد موجود يشوفني ويشوف شعوري ويطمني .. علاقاتي كلها صحاب او خطوبات مش بتكمل وأعتقد للسبب ده .. بحتاج وجودهم بتعود عليهم بسرعه جدا.. بتخنق في غيابهم وبخاف من غيابهم .. فمش بنبقى احسن حاجه .. فالموضوع يبوظ

Q: مشوشة من علاقة مش علاقة.. أعمل إيه؟

هو الواحد المفروض يعمل ايه لما يبقى مشوش من علاقه مش علاقه اصلا يعنى فى تلميحات واضحه بس فى نفس الوقت فى برود لو مش بنتقابل انا كبنت شايفه انى مينفعش ارددد ولا اقول مشاعرى ايه رغم ان المفروض انه واضح ان فى قبول بس برضو الترست ايشوز والاوڤر ثينكنج هيموتونى انا بتعلق بالاشخاص بسرعه خايفه اتعلق بحاجه مش نصيبى وفى نفس الوقت مش قادره اسيطر على مشاعرى او افكارى كتير قالى انى محتاجه ابطل تفكير كتير واسيب الامور تمشى زى ما مكتوبه بس الموضوع مش سهل انا مش قادره اسيطر على كدا مش عارفه هما ازاى شايفين ان الشخص يبطل يفكر دى حاجه سهله الكلام مش منظم مش عارفه هيتفهم ولا لا بس انا حقيقي تعبت

Question

اخر فتره ملاحظه اني بتعلق بسرعه اوي بالاشخاص حرفياً انت ممكن لو فضلت يوم تتكلم معايا شات بس ممكن اتعلق بيك 😂 مش عارفه ليه كده بس بجد الحوار ده معصبني اوي وانا غصب عني بحس اني  حبيت الشخص اللي قدامي حرفياً ممكن ميكونش في اي مميزات بس فجأه بحس بكده معرفش ده ايه ده ، هل انا عندي نقص في حاجه معينه يعني شعور معينه او احساس معين معرفش بجد معرفش فممكن لو حد فاهم ده ليه كده او ليه بحس بكده ممكن يفدني

Hazelnut_52503 🇪🇬 · Accepted Answer

انا خايف أكتب كومنت تتعلق بيا🙂امزح المهم 
ده بيكون بسبب أنك ونتي صغيره ماخدتيش الحب أو الحنان الكافي من الأهل أما الحب م عارف والله بس حوالي تخلي الحب والاهتمام ده لشخص واحد هو أولا بيه جوزك خطيبك مامتك باباكي

Blueberry_52260 🇪🇬 · Answer

والله بحاول انا اصلاً يعني اقصد بتعلق بالاشخاص مش قصدي الرجاله يعني انا بتكلم في العموم + اوعى ترد عليا أحسن اتعلق بيك بالغلط 😂

Coffee_52513 🇪🇬 · Answer

دا بسبب انك حاسه بالوحده ف بمجرد متلاقى اهتمام من شخص حتى لو فتره بسيطه بتتعلقى بيه + مش انتى لوحدك اللى بتحسى بكدا

Blueberry_52260 🇪🇬 · Answer

طب الحل ايه 🤦🏻‍♀️

Cherry_52458 🇪🇬 · Answer

ممكن يكون علشان مخديش اهتمام كفايه و بمجرد انك بتلاقيه من شخص بتتعلقي بيه  و اعتقد بيبقي عندك نقص في المشاعر

Apple_18785 🇪🇬 · Answer

محتاجة تشتغلي علي حبك لذاتك اكتر وتعملي صحاب وكمان تنقيهم صح

Durian_52455 🇪🇬 · Answer

الحل فى إنك
١) تكونى واعية ومدركة للأسباب اللى وصلتك للمرحلة دى
ليه بيحصل إنجذاب مبالغ فيه لأى حد بيحصل معاه محادثة طويلة ؟
هل إنتى شخص مفتقد للإهتمام من اللى حواليه وبيدور عليه فى العالم الخارجى.

٢) تقرأى كتب عن علم النفس وسلوك البشر من باب إنك تعرفى الشخصيات اللى حواليكى، فيتكون عندك صورة ذهنية تساعدك تتعاملى معاهم حتى لو كانوا مؤذيين

Durian_52455 🇪🇬 · Answer

٣) تكوّنى صحاب جديدة على أرض الواقع. ده هيعوّض إحساس الفقد اللى انتى بتمرى بيه (نسبيًا)
لإن واضح من كلامك إنك مفتقدة للمشاعر مش للكلام نفسه

٤) تحاولى تقعدى مع أهلك اكتر حتى لو أثرهم سلبى فى حياتك. ده هيقلل من إحتياجك للبشر خصوصًا الذكور

Strawberry_40306 🇪🇬 · Answer

🫵🫵❤️‍🔥❤️‍🔥

Coffee_52513 🇪🇬 · Answer

الحل انك تقربى من ربنا 
وتدورى ع صحبه صالحه تعينك وتساعدك