ليه خلقي بيفضل يضيق على الناس؟ مش أنا كدا من جوايا

Marshmallow_28284 🇪🇬

منذ أسبوعين

شعور ضائع

عارفين يجماعة انا اوقات كتير اوي بتكون معاملتي ناشفة مع الناس وأوقات كتير ببقا خلقي ضيق وأوقات كتير بتجاهل وبطنش واكرف لاي حد ف حياتي أو اي حد عموما مش لان شخصيتي كدا دا انا من جوايا مش كدا بس يمكن لان جوايا ضيق وصراعات داخلية بتخليني معرفش اتعامل كويس حاجات كتيرة محتاجة احبها بيني وبين نفسي قبل ماخرج اتعامل مع العالم اللي برة

بحس إني مهملة ومحدش بيقدرني

انا طول الوقت حاسه اني عايزه اعتذر للناس حواليا وبحس انهم مضايقين مني بدون اسباب واضحه ولو حد رد عليا رد بارد في موضوع بقعد اسأل نفسي ليه عاملني كدا وانا مدياله كل طاقتي لو اتصلت علي حد ومردش بحس انه تجاهل مقصود وانه مش عايز يكلمني واني مهمله في حيات الناس حواليا واني ماليش اهميه حتي لما بكلم امي والمكالمه تطول شويه تقعد تقولي انتي رغايه اوي كفايه كلام واقفلي وبحس بنغزه في قلبي من الاحراج وبقيت محبش اقرب من حد اوي عاشن محسش انه بيهملني بجد احساس بايخ اوي ومش عارفه اتعايش معاه ...عرض المزيد

0 الدعم

3 نصيحة

مش عارفة أرضي مرات أبويا المتسلطة.. أعمل إيه؟

أولا انا مستعدة ارد على كل الأسئلة اللي ممكن تسألوها بكل صراحة عشان احاول اوصل لحل عشان بجد جربت كل حاجة و تعبت أنا عندي مشكلة كبيرة في حياتي ومش عارفة أتعامل معاها. أنا عايشة مع مرات أبويا بقالي سنين طويلة، ومن وأنا صغيرة وهي متحكمة في كل تفاصيل حياتي. أي حركة صغيرة مني تتحسب عليا. مرة اتعاقبت عشان عملت ماسك لبشرتي، ومرة اتعاقبت عشان اشتريت كيس شبسي، ومرة اتعاقبت عشان حلقت شعري الزايد. أي حاجة بعملها لنفسي تتحول لجريمة غير كده، هي طول الوقت بتقلب أبويا والعيلة عليا. تقول كلام عني محصلش، تفبرك قصص وتكررها لحد ما يصدقوها، وتخليني دايمًا قدامهم "المشكلة" أو "اللي مش متربية". حتى لما بحاول أتكلم وأدافع عن نفسي أو أرد على كلمة بتزعقلي بيها، تلاقيني متصنفة إني "ردادة" و"قليلة الأدب". ولو سكتت خالص ومردتش، تبقى دي برضه مشكلة وتقول إني "بتجاهلها" و"مش محترماها". يعني في كل الحالات أنا غلطانة هي كمان بتقول إن كل الناس شايفاني مش محترمة ومش كويسة، وإن كلهم بيكرهوني وبينتقدوني. وتقول إن إخواتي كمان شايفيني كده. ساعات تدخل في المقارنات بجيراننا وتقول: "بصّي على بنات الجيران، كلهم متربيين عنك". مع إن ده كله مجرد كلام منها، يعني بجد بنات الجيران هما بنفسهم اللي بيقولولي انهم مش بيعملوا اي حاجة في بيوتهم و أمهاتهم شايلين كل حاجة، أنا مش غيرانة منهم أنا عارفة أن البنت لازم تشيل مسؤلية و تتعلم عشان بيتها بس أنا بعمل اكتر من ده بكتير وكلامها مش منطقي بس بيوجعني وبيديني إحساس إني أقل من الكل اللي بيوجعني أكتر إنها قدام الناس بتمثل إنها بتحبني وبتخاف عليا، وتبان إنها ست حنينة. لكن في البيت أنا بشوف الوش التاني: صراخ، تحكم، تقليب، وكلام بيهدّني من جوا. حتى كلمة "معاكي حق" لو قلتها، تلاقيها بتتقلب ضدي بعدين. بقيت ساكتة معظم الوقت، خايفة أفتح بوقي، خايفة من أي كلمة تتحسب عليا أنا بجد مش عارفة أتعامل. أنا عايزة أعيش بسلام، عايزة أعرف إزاي ممكن أرضيهم. إيه اللي ممكن أعمله عشان يبطلوا يشوفوني إني المشكلة؟ هل في طريقة أخليهم يغيروا نظرتهم ليا؟ ولا مهما عملت عمري ما هرضيهم؟ أنا تعبت من إني أعيش عشان أرضيهم، بس مش لاقية غير السؤال ده: أعمل إيه؟ ...عرض المزيد

2 الدعم

15 نصيحة

فخورة بوحدتي وبعدت عن ناس مش بتبقى

مودي غريب جربت ارسم بس تجربة بشعة برسم حلو لنا اسرح بستغرب مني جدا في دي وسط أفكاري وانشغال بالي بقدر ارسم رسمة تضحكني أصلا و تخرجني من كل افكاري بس مش موضوعنا حاسه اني عاوزه اتكلم فهتكلم شوية عن نفسي باختصار يعني اخدني عقلي لمراحل حياتي من أول ما كنت لوحدي في طفولتي وفضلت هكذا سنين كتيرة لحد ما في تالته اعدادي انشهرت اوي وبقا كتير يعرفوني ازاي؟ باني كنت باخد مع مستر مشهور اوي وعملنا امتحان جبت فيه 49وربع من 50 و وقتها ذكر إسمي كمثال علي الجمال و الادب و الاحترام والتفوق فضل يمدح فيا كتير قدام الكل سوي في مجموعتي او في باقي المجاميع فا وقتها اتعرفت ولقيت كمية ناس بتقرب ليا غريبة اوي وبعدها بقا دخلت ثانوي كنت مختارة ابقا لوحدي بعيد عن كل الحوارت لأن حصل معايا حوارات كتير بسبب اللامة اللي كانت حوليا ومخلصتش جات بنت كده فضلت تقرب ليا لحد ما أديتها فرصة وقولت صداقة مضرش لكن البنت دي عرفتني علي واحده رمز الفساد دخلتني في دوامة تانية وحورات تانية ولفي بينا يا دنيا في النهاية اكتفيت علي بنتين يكونوا صحابي وفي النهاية بعدو زي اي حاجة من ست شهور لما قبلت البنات دي افتكرت كل ذكرياتي معاهم ومشيت من المكان مخنوقة وبعيط في الحقيقة مشيت في الشارع بعيط الذكريات كانت قوية اوي وانا انسانة بقدس الذكريات لكن خلال الاسبوع ده قبلت البنتين كنت متعجبة من حالهم كانوا واقفين مع بنات بيعيبوا فيهم كانوا بيتكلموا بصوت كله شغف ومرح مضايقتش اطلاقا لكن اتعجبت و إمبارح قبلت برضو واحده من البنتين ومكنتش اخدت بالي منها صوتها لما اتكلمت خلاني ألاحظها أنا منستش حاجة من إللي كانت بيني وبينهم بس مش بتأثر علي الاقل اما اشوفهم او افتكر الذكريات دي فخورة بنفسي صراحة ومبسوطه بوحدتي جدا جدا جدا جدا ×10000 ...عرض المزيد

1 الدعم

2 نصيحة